وێنێ بکوژێ گەنجێ زاخو دهێت بەلاڤ کرن
دەنگێ بەهدینان
ڕێڤەبەریا پولیسێ دهوکێ ، وێنێ ئەڤی بکوژی بەڵاڤ دکەت ، ئەوێ گەنجەکێ زاخو کوشتی ، پشتی کو هەولدای بڕێیا ڕیبرێ بونێ دگەل پولیسا خو دەرباس بکەت ، لێ د ئوپەراسیونەکا قەهرەمانانە ئەڤ تومەتبارە ژلایێ پولیسانڤە هات دەستەسەرکرن.
هێمن سلێمان به‌رپرسێ راگه‌هاندنا پۆلیسێن پارێزگه‌ها دهۆكێ، دوهي ده‌مێ هێزێن ئاسایشا زاخۆ بزاڤ كرین تۆمه‌تباره‌كێ داخواز كری ده‌سته‌سه‌ربكه‌ن، لێ وی خۆ راده‌ست نه‌كرو ته‌قه كر و د ئه‌نجام دا گه‌نجه‌كێ 23 سالی برینداركر، ژبه‌ر دژواریا برینا وی هه‌یا گه‌هاندیه نه‌خۆشخانێ ژیانا خۆ ژ ده‌ستدا.
به‌حسا وێیه‌كی ژی كر، پشتى وێ ریدانێ تۆمه‌تبار ره‌ڤی بۆ جهه‌كێ نه‌دیار، لێ پشتی كۆمكرنا زانیاریان پۆلیسێن پارێزگه‌هێ شیان جهێ وی تۆمه‌تباری ب هه‌ماهه‌نگیا ئاساییش و پۆلیسێن زاخۆ، ده‌ستنیشان بكه‌ن.
ئاماژه ب وێیه‌كێ ژی كر، د ئۆپه‌راسیۆنه‌كێ دا پۆلیسێن هه‌وارهاتنا دهۆكێ شیان وی تۆمه‌تبارێ بكوژ ده‌سته‌سه‌ربكه‌ن و ب بریارا دادوه‌رێ ڤه‌كۆلینێ ئه‌و تۆمه‌تباره بۆ وه‌رگرتنا سزایێ خۆ، دێ هێته ڤه‌گوهاستن بۆ دادگه‌ها ڤه‌كۆلینێ و پۆلیسێن نه‌هێلانا گونه‌هباریان ل دهۆكێ.
