دەستەکێ دنژی ئاشکەرا بو لسەر نەخوشخانا ھیوا
دەنگێ بەھدینان
دەستەکێ دن یێ تێکدەر و گەندەل لـ پشت پڕوپاگەندێت نەخوشخانا ھیوا دئێت ئاشکەرا کرن کو برایێ بەرپرسەکی دگەل وەبەرھێنەرەکێ لبنانی کارکریە لسەر ڤێ مژارێ.
لـ گور زانیاریێن (( دەنگێ بەھدینان )) کو ژلایێ ژێدەرەکێ تایبەت لـ ناڤا دەزگەھا زانیاری بدەست مە کەتینە ، برایەکێ لاھور تلیاکچی بناڤێ ( ئاکو جەنگی بورھان ) بـ ڕێیا وەڤەرھێنەرەکێ لبنانی خاستیە کو نەخوشخانەکا تایبەت بـ پەنجە شێرێ یا کەرتێ تایبەت لـ پارێزگەھا سلێمانیێ ئاڤا بکەت ، ستافێ ئەڤێ نەخوشخانێ ھەمی داناینە کو لبنانی بن ، پشتی چەند ئەفسەرەکا زانیاری داینە میدیایان کو کارەکێ بڤی ڕەنگی دێ ھێت کرن لـ سلێمانیێ ، خەلک ھەمی بدەنگڤە ھات و ڕایەکا گشتی لسەر چێبو ، سامان سورچی چالاکڤانێ جڤاکا سڤیل دبێژیت ” پشتی کو ئەڤ ڕایا گشتیە چێبوی ، ھندەک کەس خودانێت ئەڤێ ئاریشێنە و ئەو سەدەمێ ھەبونا کەم و کوڕیانن ، ھاتن خو کرە خوش مروڤ ، مینا نیڤە سەروکێ ئێکەتیێ ئەو برایێت خو سەدەمێ ھەمی خرابیەکێنە کو دھێت کرن لـ سلێمانیێ ، قەچاغی و دزیا داھاتێ نافخو نەبان ئەڤڕو چ ئاریشە لـ خزمەت گوزاریان نەدبو ، لێ ئەو بەردەوامن لسەر کارێ خو و ڕوندکێت درەو ژبوی خەلکێ ستەم لێکری ژ ئالیێ ونڤە دڕێژن”.
