سیاسەتڤانەک: مەسرور بارزانی زەڵامێ دوخێت ئێکلاکەرەوەیە
دەنگێ بەھدینان
سیاسەتڤانەک ڕادگەھینیت کو ھێژا مەسرور بارزانی زەڵامێ دوخێت ئێکلاکەرەوەیە و ھەردەم بڕیارێت سەرکەفتی ددەت ژبو ئێکلایی کرنا بابەتان.
جەرجیس خەمێ سیاسەتڤانێ کورد لـ ئەوڕوپا لسەر ھەولێن ھێژا مەسرور بارزانی سەروکێ حکومەتا ھەرێما کوردستانێ بو چارەسەرکرنا ئاریشان و بڕیاردان لـ دەمێ ھەبونا ئاریشا بـ (( دەنگێ بەھدینان ))ڕاگەھاند ” لـ دەستپێکا پێک ئانینا کابینا نەھێ یا وزاری ، ھێژا مەسرور بارزانی بڕیارەک درست دا ئەوژی چارەسەرکرنا ئاریشێن نێڤبەرا ھەولێر و بەغدا بڕێیا دەستور ، ئەڤە لـ زانستێ سیاسەتێدا ڕاماناوێ ئەڤەیە کو بارزانی دخازیت ئاریشان لـ بنڕا چارەسەر بکەت کو دوبارە سەرھەل نەدەنەڤە ” ، ھەروەسا لسەر چاوانیا بڕیاران خەمێ دبێژیت ” بڕیارێت سەروکێ حکومەتێ ئێکلاکەرەوەن و ھەردەم ددەمەکیدا بڕیارێ ددەت کو دەمەکێ ئێکلاکەرەوەیە و بـ ڕەنگەکێ حەکیمانە و بـ ئاقلەکێ زیرەک بڕیارا چارەسەرکرنێ دەردکەت ، ئەو چ جارا لەزێ ناکەت و ھەردەم لـ بەرژەوەندیا دەولەت و ملەتی بڕیارا ددەت”.
سەبارەت بـ پێشکەفتنێت بدەستڤەھاتی لڤێ قوناغێدا ، ئەڤ سیاسەتڤانە دبێژیت ” لسەر ڤێ نەسقا کو دنھادا پێشەڤچون بخوڤە دبینیت لـ کوردستانێ ، دیربینین و چێبون و ئاڤاکرنا ھەتا ھەتایی پێڤە دیارە ، ئاڤا کرنا سایلویان و ئاڤاکرنا باژێڕێن پیشەسازی و ڤەکرنا پروژێن گەشتیاری و کارگەھ و شەقامان ، ئەڤە ھەمی نیشانێت ئەڤێ چەندێنە کو ھێژا مەسرور بارزانی دخازیت ژێرخانا ئابوریا کوردستانێ بھێز بکەت و وەڵاتەک بھێز ئاڤا بکەت “.
لسەر ڕێگری و چێکرنا بەربەستان لـ ھەمبەر کارێن وی ، جەرجیس خەمێ دبێژیت ” ھەر سەروک وەزیرانەک بھێز بیت لناڤ ئەڤێ کوما حزبێن نەنیشتیمانی دێ ھەردەم ئاریشە بو چێبن ، ئوپوزسیونا کوردی نە مینا ئوپوزسیونا وەڵاتێت پێشکەفتیە کو پشتەڤانیا کارێ باش بکەت ، بەلکو باش و خراپ جەم ئوپوزسیونا کوردی خراپە ، لەوما دڤێت حکومەت بەردەوام بیت بێی کو گوھ بدەدەتە ئەڤان ڕێگریان”.
