خەلکێ ئامێدیێ ژ ڕەفتارێن پەکەکێ دلگرانن

دەنگێ بەھدینان

خەلکێ ئامێدیێ ژ رەفتار و کریارێت پەکەکێ لـ دەڤەرێ ددلگرانن و دخازن پەکەکە ژنافچەیێن وانا دەرکەڤن ، دا ژیان ژوب وان جھا بزڤڕیت.

خەلکێ دەڤەرا بەھدینان بـ گشتی و قەزا ئامێدیێ بـ تایبەتی ، دلگرانیا خو دەردبڕن ھەمبەر ڕەفتارێن پەکەکێ لـ دەڤەرێ و کریارێت وێ دژی پێشمەرگەی سەرکونە دکەن ، شێراز ئامێدی چالاکڤانێ جڤاتا سڤیل لسەر ڤێ مژارێ بـ (( دەنگێ بەھدینان )) ڕادگەھینیت ” مخابن ئەڤە وەرزێ ھاڤینێ ھات و ژبەر پەکەکێ خەلکێ مە نشێت سود لـ ڤی وەرزی وەرگریت ، بڕاستی ئەم گەلەک ژ پەکەکێ بێزارین و ئەم دخازین بـ ئێکجاری ژنافچەیێن مە دەرکەڤن ، بسەدەما وان خەلکێ قەزا ئامێدیێ بـ تایبەت خەلکێ گوندا ھەمی ئاوارە بون و کارێ خو ژ دەستدا و پڕانیا سەیرانگەھان ھاتن ڕاگرتن ئەڤەژی ژبەر پەکەکێ و ڕەفتارێت وێ لـ دەڤەرێ “.

ھەروەسا لسەر کریارێت وێ دبێژیت ” کریارێت پەکەکێ ھەمی دوژمن کارانە و دەستێ وێ چویە خینا پێشمەرگەی ، ئەم ڤان کریارا سەرکونە و شەرمەزار دکەین ، دڤێت ئەو لـ ھەمبەر ترکا زیرەک بن ، پێشمەرگەھ شەڕێ براکوژیێ ناکەت ، ئەگەر نە دڤێت لبیرا ھەمی کەسەکی بیت کا چاوا ھێزا سێ دەولەتان لـ پردێ ھات تێکشکاندن”.