بەرسڤا دیار دێرسم و شڤان پەروەر دھێتە دان

نڤیسەرەک بەرسڤا بانگەوازیا کومەک ژ ھونەرمەندان ددەت کو بـ ڤیدیویەک بانگەشەک پڕی پڕوپاگەندە کریە ژبو ڤەشارتنا حەقیقەتا شەڕفروشیا پەکەکێ .

کامی کەمال ڕوژنامەنڤیس و نڤیسەرێ دیارێ دەڤەرا بەھدینان بەرسڤا بانگەوازیا کومەکا ھونەرمەندێن پەکەکێ ددەت کو ھەولدایە تاوان و شەڕفروشتنێت پەکەکێ بڕێیا ھەوارکرنێ ڤەشێرن ، کامی دبێژیت “گەلی روشنبیر و زانا و فەیلەسوفێن ولاتێ مە، جەنابێ شڤان پەروەر و دیار دێرسم ….ھتد، وەک تو دبێژی کەک مەسعود یێ چاڤێ خوە ل شەھید بون و وێرانکارییا کوردستانێ ژئەگەرا پەکەکێ دنقینیت بەس دا شەر چێنەبیت و ئەڤ دەستکەفتە نەکەڤنە دمەترسیێدا و کورد نەبنەف قوربانی، ما دبیت لسەر حسابا خوینا لاوێن کورد ب دەستێن پەکەکێ سەروک بارزانی ھەر چاڤپوشیێ بکەت؟!”.

ھەروەسا لێ دپرسیت ” لسەر خاترا کێ سەروک دێ شەرێ کوردان چێکەت ھونەرمەندو زانایێن بێ ئنساف؟! “.

لسەر پڕوپاگەندێت وانا دبێژیت ” ئێدی بلا ئەڤ ھەلویستێن وەیێن پرو پوچ و نالوژیکانە بەس بن و فشارێ ل وان بکەن یێن چەکێ شەری ل دژی پێشمەرگە ھەلگرتی و دبێژن پلانا A شەرە ل دژی پارتی و پلانا B ژی ھەر شەرە ل دژی پارتی، 

ھوین زور ب ئاشکرا وەسا ددەنە دیار کرن کو ئەگەر شەر چێ ببیت خەتایێن سەروک بارزانینە!، ھوین بوچی دبوێر نینن و گازی جەمیل بایک و دوران کالکان بکەن و بێژنێ ئێدی بەسە شەری ب باشور نەفروشن و دەست ژ داگیرکارییا باشور ھەلگرن و خزمەتا ئارمانج و ئەجندایێن داگیرکەران نەکەن؟!”.

ھەروەسا بەحسێ کارێ نھا و بەرێ یێ پەکەکێ و کریارێت وێ دکەت و دبێژێیت ” ٣٠ سالن بناڤ نڤیسەر و روشنبیر و ھونەرمەندێن کورد دبێژن : شەرێ ھەڤدوو نەکەن، ھین برانە، ئێک بگرن..باشە ماھوین بڤان دروشم و ئاخفتنێن تەقلیدی و بێ رامان و بێ ئەنجامڤە نەوەستیان؟!، دەم نەھاتیە بێژنە نەحەقی بەسە؟!، ھەتا کەنگێ ھوین دێ خوە و مللەتی خاپینن؟!”.

ژبوی وان بـ ڕونی شلوڤە دکەت و نەڕاستەڕاست دسەلمینیت کو پەکەکە شەڕ فروشە و دەستێت وێ دسورن بخینا پێشمەرگەی ، دبێژیت ” دسێ روژادا پەکەکێ ٥ پێشمەرگە شەھید کرن، و دگوت تورکیایێ ل ترومبێلا پێشمەرگەی دا! ، باشە ئەگەر وەساژی بیت، دەمێ ل ترومبێلا پێشمەرگەدای، ل شوینا ھوین بچن برینداران تیمار بکەن و ھاریکار بن، ئان چنەبیت دەڤەرێ چول بکەن دا کەسێ دیکە نەبیتە قوربانی، وەبوچی ٥ دەمژمێران شەر دگەل پێشمەرگەیێن بریندار دکر؟!، ماھەر ھوین نەبون وە بانگی پەرلەمانێن ولاتێن ئەوروپیان دکر کو چەکی نەدەنە پێشمەرگە ل دژی داعش ژبەرکو پێشمەرگە دترسنوکن؟!، ھوین نەبون وە بزاڤ دکر دگوپیتکا دژوارییا شەرێ داعشدا مورالا پێشمەرگە بشکێنن و وە خەلک ھان ددا کو باژێر و باژێرکێن کوردستانێ چول بکەن؟! ئەگەر بیرا وە ناھێت ل بەفرینا پێشکێشکارا کەنالێ خوە بپرسن!” .

چەند کریارەکێت پەکەکێ دئینیتە بیرا وان و دبێژیت ” ھوین نەبون چەندن جارا وە بوریا نەفتا ھەرێمێ دپەقاندو وە ب بەیاننامە دان ژی پێدا دئینا؟!، ھوین ب نیشانەشکێنا ئەفسەرو پێشمەرگەو ھاولاتیان شەھید دکەن، ب چ نییەت و مەبەستەک؟…ھتد.، ئەگەر ھوین کەسایەتی و ھونەرمەند و روشنبیرێن کورد دبوێرن  و راستگونە، دەستێ خوە دانە سەر برینێ و بێژنە پەکەکێ شورش ل جھێن داگیرکری دھێتە کرن، شورشێ ل دژی داگیرکرکەران بکەن نەک ل دژی پێشمەرگەو پەرلەمان و حکومەتا کوردان!، بێژنە پەکەکێ ل مە بگەرن و بچن باژێر و گوندێن خوە ژ تانک و زریپوش و ئەمنا داگیرکەران پاک بکەن، نەک وان تانک و زریپوش و فروکەیان ب پلان و بەرنامە بیننە سەر ئاخا مەیا ئازاد کری!.”.