ئەو تاقما زانیاریێن نەڕاست ددانە بەغدا ھاتن ئاشکەراکرن
دەنگێ بەھدینان
تاقمەکا پێکھاتی ژ چەند سیاسیەک و ئەندام پەرلەمانێت کوردێت عیراقچی دھێن ئاشکەرا کرن کو بەردەوام زانیاریێت نەڕاست ددانە ئالیێت سیاسیێت بەغدا و حکومەتا عیراقێ لـ سەر ھەرێما کوردستانێ.
ژێدەرەک لـ بەغدا کو نەخاست ناڤێ وی بھێت ئاشکەرا کرن بـ (( دەنگێ بەھدینان )) ڕاگەھاند ” ددەستپێکا ئالوزیان لنێڤبەرا ھەولێر و بەغدا چەند کەسەکا کار دکر ژبو ئالوتر کرنا پەیوەندیێت حکومەتا ھەرێمێ و حکومەتا ناڤەند ژبو بەرژەوەندیێت خو یێن تایبەت ، ئەڤان ھەردەم ڕاپورتێت نەڕاست لـ سەر داھات و میلاک وخەرجیێت ھەرێمێ و زانیاریێت سەربازی ددانە بەغدا ، ئەڤەژی بـ ئارمانجا تێکدانا تەوافقا سیاسی ژبو بدەستڤە ئینانا پارەی و خو نێزیک کرن لـ کوتلێت توندڕەوێن شیعی “.
ھەروەسا دبێژیت دوو قوناغ ھەبونە ، ناڤێ چەند کەسەکان ئاشکەرا دکەت کو دەست ھەبویە لـ قوناغا بەرێ میلیشیایان ئەوژی ھەر ئێک ژ ( عادل موڕاد ، ئاراس جەنگی ، سروە عەبدلواحد ، ئاڵا تاڵەبانی ) بونە ، زێدەتر دبێژیت ” لـ قوناغا پشتی چێبونا میلیشیایان و بدیاری کری پشتی ١٦ێ ئوکتوبەرێ ئەف کارە بـ گروپ و سیستەماتیک ھاتیە کرن کو ژلایێ دەزگەھا زانیاریڤە دھاتنە بڕێڤە برن ” ، ئەرکێ ڤێ گروپێ بڤی ڕەنگی دابەش دکەت و دبێژیت ” ھەر ئێک ژ غالب محەمەد و سەرکەفت شەمسەدین و ڕێبوار کەریم مەحمید ئەرکێ وان بەڵاڤە کرنا پڕوپاگەندانە لـ میدیایێت عیراقی و لڤاندنا ھەستێ شەقامێ شیعی دژی ھەرێما کوردستانێ و خەلکێ وێ ، ئەرکێ ئەحمەدێ حەجی ڕەشید پێدانا زانیاریێت خەلەت و نەڕاستن لسەر داھات و خەرجی و میلاک و نەفتا ھەرێما کوردستانێ بو لێژنا داراییا بەغدا ، ئەرکێ ئاڵا تاڵەبانی چێکرنا ھەستێ تائیفی و ئازراندنا گەلێ شیعیە دژی کوردان “.
ھەروەسا دبێژیت ” ئەڤە ھەمی بـ پلان و ژلایێ دەزگەھا زانیاریا ئێکەتیێڤە دھێن بڕێڤەبرن “. ئەرکێ چەند میدیاکاران ئاشکەرا دکەت دڤێ کریارێدا و دبێژیت ” ھندەک بەرنامێت میدیایی بـ پارە ئامادە دکەن کو تایبەتن بـ بەڵاڤە کرنا ھندەک زانیاریان کو چەند بناڤ میدیاکار لـ ھەرێمێ کوم دکەن و ددەنە ئەڤان میدیایان ، لێ ناڤێت وان نە دئاشکەرا ژلایێ مە ژبەرکو ئەو ڕاستەڕاست کارمەندێت دەزگەھا زانیارینە “.
ئەڤ گروپە مەترسیدارن و دڤێت سنورەک ژبو ڤی کاری بھێت دانان ، ژبەرکو لـ گور یاسایا عیراقێ ئەڤە خیانەتا نیشتیمانیە و دڤێت ئەف کەسە بھێن دادگەھ کرن و ڕیبڕی یاسای بھێن کرن.
