ئێکەتیا نڤیسەرێن کورد ھوشداریەکێ ددەن لسەر سلێمانیێ

دەنگێ بەھدینان

ئێکەتیا نڤیسەرێن کورد ھوشداریەکی ددەن لـ سەر ڕەوشا سلێمانیێ و زونا ملەوەن بـ گشتی کو ژبەر حزبێن ڤێ زونێ خەلک یێ سەرگەردان بوی.

ئێکەتیا نڤیسەرێن کورد/لقا سلێمانیێ ھوشداریێ ددەن کو لـ زونا ملەوەن دوخەک خراپ ھەیە و سایکولوجیا خەلکی بتەمامی تێکچویە ، ھەروەسا دبێژن ” خەلکێ دەڤەرا زونا ملەوەن ددوخەک ناڕێک ئەزمونێ دکەن ، چاڤەڕێ کریە کو بابەتێن سروشتی ژبیرێ بچن ” ، لسەر ڤێ چەندێ ( کوردە ئەحمەد ) ڤەکولەرا سایکولوژی بـ (( دەنگێ بەھدینان )) ڕاگەھاند ” حزبێن ڤێ دەڤەرێ ھەر ڕوژ ئیرھابا فکری لناڤ خەلکیدا بەلاڤ دکەن ، ھەر ڕوژێ ھزرەکێ مینا ژەھرێ دڕێژن لـ گور بەرژەوەندیێت خو ، ئەڤە دێ بیتە سەدەما ئەڤێ چەندێ کو نەفشەک سقەت پێ بگەھیت ، لەوما دخازم کو ئێکەتی و بـ تایبەت میدیایا وێ کو ددەستێ کەسەکێ ئەڤێ حزبێدایە دەستا ژ شوشتنا مەژیێ خەلکی بەردەت بەربـ خرابیێ ، لـ دیماھیکێ ملەت دێ زەرەرێ کەت ئەوان چ خەم ژبو پاشەڕوژا وەڵاتی نینە “.

کوردە زێدەتر دبێژیت ” دەزگەھێت ئەولەھیێ ژبو تەسفیە حسابا بالێن ئێکەتیێ دھێن بـ کار ئانین ، شەر و پەڤچون مینا یاریا یا لێ ھاتی و چەک یێ ددەستێ زاروک و سنێلاندا ، ئەڤە نیشانێت مەترسیدارن ، دڤێت خەلک نەھێلن ببنە قوربانیێت چەند تاقم و گروپەکێت چەتەیی”.