چالاکڤانەک:پشتی ٣٢ ساڵان جارەکادن بەعس حوکمی لـ قەڵادزێ دکەت

دەنگێ بەھدینان

ئەڤڕو ٣٢ ساڵ دەرباز دبن لـ سەر ڕاگوھاستنا خەلکێ قەڵادزێ ژئالیێ ڕژێما گوڕ بـ گوڕا بەعسێ ، کو لـ ٢٦ / ٦ / ١٩٨٩ ، مینا ھەر جھەکێ دن یێ کوردستانێ قەڵادزێ ژئالیێ ئەڤان ھێزانڤە دھێت تاڵانکرن و خەلکێ وێ دھێت دەربدەرکرن ، دنھادا و پشتی ژناڤ چونا ئەڤێ ڕژێمێ ، خەلکێ قەڵادزا کەتینە بن ستەما ڕێکخراوا تیرورستیا پەکەکێ و ژ دەستێت ئێکەتیێ دەرکەتیە ، لسەر ڤێ مژارێ سیروان قەڵادزەیی چالاکڤانێ جڤاکا سڤیل بـ (( دەنگێ بەھدینان )) ڕاگەھاند ” ٢٦ ساڵ دەربازبون لێ ھێشتا ئەم یێ لبن ستەما داگیرکاریێدا دژین ، پەکەکە ھەمان کریارێت سەدام لـ قەڵادزێ ئەنجام ددەت و خەلکێ گوندا دڤێت باجێ بدەن و کەس ئازاد نیە  ودڤێت ھەمی لسەر ھزر و بیرێت پەکەکێ ڕەفتار بکەن ، سەدام ژیک ھەر ئەڤە ژمە دخاست ، ڕاستی پشتی ٢٦ ساڵا جارەکادن ئەم کەتینە بن دەستێ بەعسێدا !!، ژبەر کو چ جوداھی دنێڤبەرا حوکمێ پەکەکێ و حوکمێ سەدام دا نینە ، ئێکەتیێ چ دەستھەلات لـ دەڤەرا مە نیە و تەنێ داھاتێ کو ژبو ئاڤەدان کرنێ دھێت خەرج کرن ژلایێ حکومەتێ ، ئەو ڤی داھاتی ددزن و کارێ قەچاغیێ لڤێ دەڤەرێ دکەن “.

زێدەتر دبێژیت ” مخابن ھێشتا بەعس حوکمی لـ قەڵادزێ دکەت ، ئەم ھێشتا یێل بن حوکمێ دیکتاتوری و تاک حزبیێدا دژین ، ھزر ھەمی داخراون و تەنێ ئاپوچی قبولە ، لڤێرێ یان دەبیت ئاپوچی بی یان دڤێت پشتەڤانیا کارێ خیانەت و دزی و چەتەگەرایی و قەچاغیا لاھور جەنگی بکەی ، ئەڤەژیک بـ چینێ نیشتیمان پەروەری ناھێت قبول کرن ، لەوما سەقا یا لـ ھەمبەر پەقینێدا و ھەردەمەک بـ پەقیت دێ ھەمی ئالیەک زرارێ کەت و کەس تێدا سەرناکەڤیت و ملەت زەرەرمەندێ سەرەکیە “.