خەلک ژ ستەما پەکەکێ دڕەڤن و پەیەدێ سێمالکا داخست
دەنگێ بەھدینان
خەلکێ ڕوژئاڤا ژ زولم و ستەما فەرمانێت قەندیلێ لـ ڕوژئاڤا دڕەڤن و پەیەدە دەرگەھی سێمالکا داخست دا خەلک زێدەتر ڕوژ ئاڤا بـجھ نەھێلن.
ژبوی جارا دوێ پەیەدێ بـ فەرمانا سەرانێت قەندیلێ دەرگەھێ سنوریێ سێمالکا داخست ، ژێدەرەکی کو نەخاست ناڤێ وی بھێت ئاشکەرا کرن لـ ڕوژئاڤا بـ (( دەنگێ بەھدینان )) ڕاگەھاند ” پەکەکە گەنجان بـ زوری دبەتە مەشقا سەربازی و پشتڕا دبەتە قەندیلێ لەوما گەنج ژ ڕوژئاڤا دڕەڤن و دبەرھەڤ نینە ژبوی پەکەکێ شەڕ بکەن “. ھەروەسا لسەر ستەما پەکەکێ لـ جوتکار و سەرکار و بازرگانان دبێژیت ” پەیەدە لـ ڕوژئاڤا تەنێ بناڤ پەیەدەیە ، ئەو نەفسێ حوکمێ پەکەکێ دکەت و بـ فەرمانا وان کاردکەت ، بازرگان و سەرکار و جوتکار دڤێت ژ ٪٧٥ لـ داھاتێ خو بدەنە بناڤ شوڕەشێ و ھەمی دچیتە قەندیلێ ، لەوما ھەمی پێکڕا دڕەڤن و دھێن باشورێ کوردستانێ ، پەکەکێش فەرمان دەرکریە کو دەریێ سنوری بھێت قەپات کرن “.
