ھەوارەک ژ گوندیێت پێنجوێن بو ئالیێن ژێ پرس

دەنگێ بەھدینان

گوندیێت قەزا پێنجوێن ددەستێ پەکەکێدا دنالن و ھەوارا خو بو ئالیێت ژێ پرس دبەن و دخازن سنور بو ئەڤێ ڕێکخراوێ بھێت دانان.

ڕێکخراوا تیرورستیا پەکەکێ لـ قەزا پێنجوین بـ زورداری باج و سەرانێ ژ خەلکێ وندێت دەوروبەر وەردگریت مینا ئەو زورداریا کو لـ خەلکێ ڕوژئاڤا دکەن ، مام ڕەئوف سەلیم کو خەلکێ ئێک ژ گوندێت ئەڤێ قەزایێ یە بـ (( دەنگێ بەھدینان )) ڕاگەھاند ” بڕاستی ئەم یێ ددەستێ پەکەکێدا دنالینین ، بەرھەمێ باغێت مە یێت دزن و بزوری دبەن و کەس ژ خەلکی نەشێت باخڤیت ، مە دەستێ ژ باغ و بیستانا بەردای و ئەمێ کارێ بازرگانیا بچیک و کرێباریێ دکەین ، پەکەکە لڤی کاری ژیکدا لمە ناگەڕێت و دڤێت نیڤیا داھاتا ڕوژانەیا خو بدەین پەکەکێ یانژی دێ مە لـ ئاخا مە دەرکەن ، ھەوارە ھەوارە ھەوارە ئالیێن ژێ پرس ، حکومەتا ھەرێما کوردستانێ ، نەتەوێن ھەڤگرتی بـ ھەوارامە وەرن پەکەکێ چ ژیان بومە نەھێلاینە “.

ئەڤە ددەمەکیدایە کو پەکەکێ دەست کریە بـ سزادانا خەلکێ باشورێ کوردستانێ بـ چەند ڕەنگێت جودا جودا ، نیڤیا گوندێت دەڤەرا بەھدینان ھاتن ڤالاکرن بـ سەدەما ئەڤێ ڕێکخراوێ ، نیڤیا ئاخا ڕوژئاڤا کەتە دەستێ ترکادا ، ھەر ڕوژ گوندەک لـ برادوست دھێت بومبە باران کرن و پەکەکێ ھێشتا دەست ژ سزادانا خەلکی بەرنەدایە و دخازن ئەڤێ کاڤلکاریێ بگەھینن ناڤەندا باژێڕان.