بـ بەلگەھێن دیروکی بەرسڤەک ھەری شەرمزارکەرا کالکان دھێت دان
د ھەڤپەیڤینەکێدا (( دەنگێ بەھدینان )) ژبو ئەڤان مژارێت کو دوران کالکان لـ ھەڤپەیڤینەکا میدیاییدا بەحس کری و چەند پڕوپاگەندەک لـ سەر داین ، دگەل بەڕێز ( ئاراز ڕەشید ) ماموستایێ زانکو و پەکەکە ناس ، چەند ڕاستیەکێت دیروکی ئاشکەرا دکەت و بـ بەلگەھ کو بو ئێکەم جار ژلایێ دەنگێ بەھدینان دھێن بەڵاڤ کرن ، بەرسڤەک ھەری شەرمزارکەرا دوران کالکان ددەت بڤی ڕەنگی:
دەنگێ بەھدینان:پارتی و پەکەکە لـ ساڵا ١٩٨٣ لـ سەر چ تشتەکی ڕێکەفتبون؟
ئاراز ڕەشید:لـ تەموزا سالا ١٩٨٣ ل سەر ڤێ هندێ رێکەفتن د ناڤبەرا سەرۆکی پارتیا دەموکراتا کوردستانێ و سەروک مەسود بارزانی و سەرۆکێ پەکەکێ ئوجالان ل شامێ هاتە ئیمزا کرن. بو ڤێ چەندێ کو پەکەکە بنکەیەک بۆ پەروەردا سەربازی و سیاسی ل باشورێ کوردستانێ ڤەکەت ژبو ئەو کەسێن کو لـ باکور تێن ڕێکخستن و پەکەکێ بۆ ئێکەم جار لـ لۆلانێ بنکە دانا. بەلێ پەکەکێ رێز لـ چ خالێن ڤێ رێکەفتنێ نەگرتنە.
(ڕوژناما فەرمیا پەکەکێ لـ ساڵا ١٩٨٣)
دەنگێ بەھدینان : دەمێ پەکەکە ھاتیە باشور ، ژبو ئازاد کرنا باشور ھاتبون یان ژبو باکور؟ ئەگەر ژبو باکور ھاتبن ژبەر چ ھاتن لـ باشور دەمەکێ مان؟
ئاراز ڕەشید: بو ئازاد کرنا باکور ب دروشما کوردستانێ هاتبون، بەلێ ڤێ گاڤێ دەولەتا نەتەوی بۆ کوردا قەبوول ناکن و تنێ بو کۆمارا دیموکراتیک خەباتێ دکەن. پەکەکە هات و بنکەیەک بو پەروەردا سەربازی و سیاسی لـ باشورێ کوردستانێ ڤەکر کو بشێت ل باکورێ کوردستانێ خەباتا خو بەردەوام بکەت.
دەنگێ بەھدینان:پەیوەندیا پەکەکێ و سەدام لـ چ ئاستەک بون؟
ئاراز ڕەشید: لـ ئاستەک ھەری بڵند دا بون بـ تایبەت لـ دەمێ کیمیا بارانا ھەلەبجە و دەڤەرا بەھدینان
دەنگێ بەھدینان:لـ ساڵێن ١٩٩١ تاندا پەکەکێ ژبەر چ شەڕێ پەدەکێ کر؟
ئاراز ڕەشید:پەکەکێ ب پلانا دەگیرکەرێن کوردستانی وەک کرێ گرتیەک ب فەرمانا راستەوخۆ یا وەڵاتەک ھەرێمی و داگیرکەرێن دن یێت کوردستانێ ئەو شەرە دەست پێ کر و بو ڤێ چەندێ حکومەتا شەر لـ بەھدینان و بۆتان راگەهاند هەر وەک ل رۆژنامەیا سەرخوەبون ب بەلگەھ دیارە.
پەکەکێ شەرێ دژی هەرێما کوردستانێ وەک شەرێ دووەم بناڤ کر کو ل ١٥ تەباخا(ئابا) ١٩٨٤ ل گەل ترکا سەدت پێ کربو.
دەنگێ بەھدینان: پەیوەندیێت ئێکەتیێ چاوا بون دگەل پەکەکێ و دیتنا وێ چ بو لسەر ئەڤێ ڕێکخراوێ؟
پەیوەندیێن پارتی یێ ل گەل پەکەکێ زێدەتر بون هەتا مام جەلال ژ بەر ڤێ هندێ کو سنورێ پارتی یێ د گەل باکوری کوردستانێ هەبو. بەلێ مام جەلال ژی وەک خۆ و حزبا خۆ د سەری دا پەیوەندیێن باش گەل پەکەکێ و اوجالان هەبون پێش راپەرینا باشورێ کورستانێ.
دەنگێ بەھدینان:کێ لناڤ کوردا بو ئێکەم جار پەکەکە بـ تیرورست ناساند؟
ئاراز ڕەشید: مام جەلال ، لناڤا پەرلەمانا کوردستانێدا و بـ ئامادەبونا پڕانیا حزبێن کوردی کو لسەر پەکەکێ دئاخفت ، لـ گوتارا خودا پەکەکە بـ تیرورست ناساند و داگوتن کو پەکەکە کاردکەت ژبوی کرێت کرنا دوزا کوردان لسەر ئاستێ نێڤدەولەتی.
دەنگێ بەھدینان: بوچی پەکەکە لـ ڕوژ ئاڤا ناھێلیت چ پارتێن دن ڕول ھەبیت لێ لـ باشور دخازیت ھەڤپشک بیت؟
ئاراز ڕەشید:پەکەکە نەک بـ تەنێ نەیارێ پارتی یێ یە بەلکی نەیارێ هەمی حزبێن کوردستانی یە. پەکەکە وەک پارتیەک ستانێلیست هیچ باوەری بـ دیموکراسییێ نینە و حزبەک توتالیتەر و تامییەت خوازە و هەمی تشتی تەنێ ژبو خوە دخوازە.
دەنگێ بەھدینان:ئارمانجا پەکەکێ لـ شەڕێ ڤێ داویە چیە؟
ئامادەکاری بۆ سالا ٢٠٢٣ و رادەستکرنا نافچەیێن بلند و ستراتژێک بۆ ترکا و بجھ ئینانا میساقا میللی یا ترکا یا سالا ١٩٢٣.
دەنگێ بەھدینان:شیرەتا تە وەک پەکەکە ناسەک ژبو پارتێن باشور چیە؟
پەکەکە بو کورستانەک سەربخو خەباتێ ناکەت و ٤٠ سالە کوردا دبەتە ناڤ خوە دا و ددەتە کوشتن کو کورد نەبنە دەولەت. پەکەکە هە بـ خوە ڤێ دبێژیت و د پەیرەو و پروگرامێ وێ دا و پاش کونگرا ٧ بـ ئاشکرا ڤێ دبێژیت. پەکەکە نە ژبەر ڤێ هندێ تاوانبارە کو ل هەرێما کورستانێ یە. بناغا هەبۆنا پەکەکێ دزڤڕیتە ریکەفتنا سالا ١٩٨٣، پەکەکێ رێز ل چ بەندێن ڤێ رێکەفتنێ نەگرت و یەک بەند ژی جیبجی نەکر …
پەکەکە ژبەر فێ هندێ تاوانبارە کو رێز ل سەروەریا هەرێما کوردستانێ ناگریت و زێدەتر ل ٦٠٠ گوندێن مە داگیر کرنە و رێ نادەت خەلک بزڤریتە گوندێن خوە، هەبونا پەکەکێ ل هەرێما کورستانێ وەک جهێ سەربازی و پەروەردێ ئەگەر بهێت قەبوول کرن ژێ بەلێ داگیر کرنا گوندا و ئینانا شەری خۆ ل باکور بو باشور ئەو ژی کو بخو دزانیت شانسێ بەرگیری کرن لـ ھەمبەر ئارتێشا ترکا نینە تنێ یەک ڕامان هەیە، ئەڤ ژی ئەڤەیە کو لـ هەر جهێ پەکەک هەبیت پاش دێ بـ دەستێ ترکا هێتە داگیر کرن.
هەمی پارتێن باشورێ کوردستانێ پێدڤی یە ڤێ بزانن هەکە دژی سیاسەتێن پەکەکێ بێ هەلوێست بن. ل عەفرین، سەرێ کانی و گرێ سپی چ رووی دا ـ زاخۆ، ئامێدی، دێرەلۆک، قەڵادزێ، کانی ماسی و ماوەتێ دێ دوبارە بیت و ئەڤ جهە دێ کەڤنە ژێر دەسەلاتداریا ترکا.
دوران کالکان و ئەو کەسێن مینا وی ھزر دکەن ، دڤێت بزانن کو باشور یا ئازدە و کارێ پەکەکێ ئازادکرنا باکورە ، لەوما دڤێت ڤەگەڕیێنە نافچەیێن درستێن خو و دەست ژ داگیرکاریێ بەربدەن.
