ئێرشێن ئەمریکا بوسەر حەشدا شەعبی زێدەدبن

دەنگێ بەھدینان

ئێرشێن ئەسمانیێن ھێزێن ئەمریکا لـ عیراقێ زێدە دبن و حەشدا شەعبی شەڕ دگەل ئەمریکا ڕاگەھاند.

پشتی کو ئێرشێن میلیشیایێت حەشدا شەعبی بو سەر ھێزێن ئەمریکا و بەرژەوەندیێن وێ زێدەبوی لـ سینورێ عیراقێ، ئەمریکا دەست کریە بـ بومبە باران کرنا ئەڤان میلیشیایا لـ عیراق و سوریا و بـ تایبەت میلیشیایێت حیزبوڵایا عیراقی.

ددوای ئێرشا ئەمریکا بوسەر حەشدا شەعبی کو لـ سەر سنورێ سوریا و عیراقی ھاتی ئەنجام دان ، کارڤەدانێن جودا لـ عیراقێ ھاتن دیتن ، ئێک ژ ھەری گرینگتر ، ئیدانا بەردەفکێ مستەفا کازمیێ سەروک وەزیرێ عیراقێ بو بوسەر ئەنجامدەرێن ئەڤێ ئێرشێ ، چاڤدێرێن دوخێ عیراقی ڕادگەھینن کو ئارمانجا ئەمریکا ژڤان ئێرشان نە بتەنێ گەفن لـ ئیرانێ دکەت ، بەلکو ئەڤە پێنگاڤەکا ئیمێرجنسیە ژبو پاراستنا بەرژەوەندیێن خو لـ عیراقێ و پەیاما خو بـ ھێز کرنێیە و ئازراندنا حەشدێیە بو ئێرشێن زێدەتر ھەتا ئاستێ جەنگی.

میلیشیایێت حەشدا شەعبی جەنگ دژی ھێزێن ئەمریکا ڕاگەھاندیە و ئاشکرا کریە کو لـ ھەر دەرەکێ ھێزێن ئەمریکا ببینن ئەو ئێرش بکەنە سەر و ئێرشێن موشەکی بو سەر بنگەھێت وان دێ زێدەبن ، شلوڤەکارێت سیاسەتا جەنگی دبێژن ئەڤە ڕاگەھاندنا جەنگێ نەڕاستەوخویە و لـ بەردەوامیا ئەڤان ئێرشان دێ جەنگێ ڕاستەوخو ھێت ئەنجام دان.