زەلال کرنەک ژ د.ئامانج ڕەحیم سکرتێرێ جڤاتا وەزیران
![](/wp-content/uploads/2021/06/D3F0DA54-34B8-40A9-9A3E-7264DD3E8ED3.jpeg)
دەنگێ بەھدینان
سکرتێرێ جاڤاتا وەزیرێن حکومەتا ھەرێما کوردستانێ زەلال کرنەکێ بەلاڤ دکەت لسەر چەند پڕوپاگەندەھەکان کو بەحسێ زێدەبونا قەرا دکەت لـ کابینا نەھێدا.
دکتور ئامانج ڕەحیم سکرتێرێ جڤاتا وەزیران د زەلال کرنەکێدا ئاشکەرا دکەت کو تێدا ھاتیە ” ھێژا سەروک وەزیران لـ ٥ێ ١٠ ێ ٢٠٢٠ لـ پەرلەمانا کوردستانێدا ڕاگەھاند کو حکومەت ٢٨ ملیار و ٤٧٧ ملیون دولاران پابەندێت دارایی لسەرن ، پشتی ڤێ بەروارێ حکومەتێ لـ ٧ ێ ئوکتوبەرا ٢٠٢٠ بڕیاردا بو ڕاست کرنا پێدانا موچان ، یێت ساڵا ٢٠٢٠ێ کو پێنج موچەنە کو بڕێ وان ( سێ ملیار و ١٥٩ ملیون دولارن ) وەک موچە ( موچێ پارڤە نەکری ) کرنە سەر پابەندیێت داراییێت ھەرێمێ ، ئەڤەژی نە ئەڤەیە کو پارە ھاتبیتە قەرز کرن ( کو لـ دیف دەستوری ھەرێمێ دەسەڵاتا قەر کرنا پارەی نیە ) ، ئەڤێ چەندە قەکر کو پابەندیێت داراییێت حکومەتا ھەرێما کوردستانێ ژ ٢٨ ملیار و ٤٧٧ ملیون دولاران بگەھیتە ٣١ ملیار و ٦٣٦ ملیون دولاران “.
ھەروەسا دبێژیت ” ئەرکێ مە ڕاگەھاندنا ڕاستیانە وەک خو و بـ تەمامی لـ گور ئەڤان داتایێن کو ژ ئالیێ وەزارەتێن پەیوەندیدار بمەڕا گەھشتینە ” ، لـ سەر ئەڤان ڕاستیێت کو حکومەتێ لـ ناڤا پەرلەمانێدا ئاشکەرا کری دبێژیت ” ئەوا مە لـ پەرلەمانێدا ڕاگەھاندی ئەرکێ سەر ملێت مەبو ژبو بەرسڤ دانا پرسیارێت پەرلەمانتاران ” ، ھەروەسا ژبو پڕوپاگەندێت چەند میدیایەکێت حزبی دبێژیت ” ھەر تەفسیرەکا دن کو لـ غیابا من ژبو ئاجفتنێت مە بھێتە کرن دیرن ژ ڕاستیان “.
ھەروەسا ئاشکەرا دکەت کو ھەمی ژمارە و داتا یێت شاندینە دیوانا چاڤدێریا دارایی و یێل بن ھیربینین و پێداچونێدا ، ھەروەسا دبێژیت کو پشتی ھیر بینین تەمام دبیت ژلایێ چاڤدێریا دارایی ئەنجامێ وێ دێ ھێتە شاندن بو پەرلەمانا کوردستانێ .
ئەڤە ددەمەکیدایە کو چەند میدیایەکێت حزبی وەک کارێ خو یێ بەردەوام کەتینە بەڵاڤەکرنا چەند پڕوپاگەندەیەکان کو گوایە کابینا نەھێ زێدەتر ژ ٣ ملیار دولاران یێت قەر کری ، لێ ئەڤە ژلایێ سکرتێرێ جڤاتا ئەنجومەنا وەزیران ھاتە ڕەتکرن و بڤێ زەلال کرنێ ڕیێ ڕەشێ ئەڤان میدیا و حزبێن سیاسی دەرئێخست.