سەروکێ حکوومەتا ھەرێما کوردستانێ سەرپەرشتیا کومبونا جڤاتا بڵندا ئابوری دکەت
دەنگێ بەھدینان
سەروکێ حکوومەتا ھەرێما کوردستانێ سەرپەرشتیا کومبونەکا جڤاتا بڵندا ئابوری دکەت و تێدا پیتەدان بـ دوخێ ئابوری و ڕێکخستنا داھات و باشکرنا ژیارا ھاوڵاتیان ھات پەژراندن.
د بەلوڤوکەکێدا جڤاتا وەزیرێن ھەرێما کوردستانێ ڕادگەھینیت کو ھێژا مەسرور بارزانی سەروکێ حکوومەتا ھەرێما کوردستانێ لـ ڕێکەفتا ٤ێ تەموزا ٢٠٢١ سەرپەرشتیا کومبونا جڤاتا بڵندا ئابوریێ دکەت ، کو تێدا پێشڤە برنا دوخێ ئابوری و باشکرنا ژیارا ھاوڵاتیان ھات پەژراندن ، ھەروەسا دڤێ کومبونێدا جەخت لڤێ ئێکێ کر کو دابین کرنا موچێ فەرمانبەرێت ھەرێما کوردستانێ لـ ئەولەویەتا کارێ جڤاتا وەزیرانە .
ھەروەسا تێدا ھاتیە کو دڤێت دەست بسەر خەرجیاندا بھێت گرتن و بھێن کێمکرن و ئەو خەرجیێت کو نە پێویستن بھێن ڕاگرتن ھەتا حکوومەت بشێت موچێ فەرمانبەران بدەت ، ھەروەسا ڕاگەھاندیە کو دێ بەردەوام بیت لـ پێشکەش کرنا خزمەت گوزاریێن گشتی و ئەنجامدانا پڕوژان و ڕەخساندنا دەلیڤێن کاری بو خەلکێ ھەرێما کوردستانێ.
ھەروەسا تێدا ھاتیە کو دبڕگا ئێکێ یا کومبونێدا ڕێکخستنا باج و رسومات و میکانزمێ کومکرنا باجان ھات پەژراندن و بڕیار ھاتەدان کو جێگرێ سەروکێ حکومەتا ھەرێما کوردستانێ ، سەرپەرشتیا پڕوسا ڕێلخستنا باج و رسوماتا بکەت .
ھەروەسا لسەر پڕوپاگەندێت زیاد کرنا باجان ژلایێ کابینا نەھێ ڤە ، تێدا ھاتیە کو ” کابینا نەھێ چ باجەک زێدە نەکریە ، بەلکو بتەنێ شێوازا کومکرنا باجان یا ھاتی ڕێکخستن و ئەو باجێن کو پێشتر دیف یاسای ھاتی دانان ، کوم دکەت بێی کو کاریگەریێت نەرێنی لسەر ژیارا ھاوڵاتیان و بـ تایبەت چینێ ھەژار و ناڤنجیا جڤاکێ و لڤین و ئالوگوڕیا بازرگانی ھەبت “.
ھەروەسا لسەر پاراستنا بەرھەمێ نافخو تێدا ھاتیە کو د کومبونا ھەنێدا جەخت ھاتیە کرن لـ ھەڤسەنگیا نێڤبەرا پاراستنا بەرھەمێن خوماڵی و دیاری کرنا نرخان و ڕێگری کرن لـ قورخکاری و بلند بونا نرخان ، ژبو ڤێ چەندێ وەزارەتێن پەیوەندیدار ھاتینە ڕاسپاردن ژبو جیبجی کرنا ئەڤان ڕێنماییا و بـ ڕەچاو کرنا پاراستنا بەرژەوەندیێت گشتی و بەکاربەرێت ھەرێما کوردستانێ.
ھەروەسا بەحسێ وەبەرھێنان و ئاسانکاریێت وێ تێدا ھاتن کرن و دڤێ بەلاڤوکێدا ھاتیە کو ” د بڕگەھەکا دنا کومبونێدا و لپێناڤ کارئاسانی کرن ژبو وەبەرھێنەران و نەھێلانا ڕوتینێ لـ چارچوڤا کارناما کابینا نەھێدا ، بڕیارا ئینانەخارا دەسەڵاتێت تایبەت بـ کەرتێ وەبەرھینانی و پێدانا موڵەتان بـ پڕوژێت وەبەر ھینانی ، ژبو پارێزگەھان و ئیدارێت سەر بخو “.
