مەلابەختیار ئێرش دکەتە سەر لاھور تلیاکچی و تاقما وی
دەنگێ بەھدینان
پشتی پەراوێزکرنا مەلا بەختیار سەرکردێ دیارێ ئێکەتیێ و بێدەنگ بونا ھندەک ئەندامێت سەرکرداتیا ئێکەتیێ لسەر تاوانێت لاھور تلیاکچی، ئێرش دکەتە سەر ئەڤان کەسا و بـ مەلاق ناڤ دبەت.
مەلا بەختیار سەرکردێ دیاری ئێکەتیێ لسەر بێدەنگیا ئەندامێن جڤاتا سەرکرداتیا ئێکەتیێ ھەمبەر دزی و تاڵانچیاتیا لاھور تلیاکچی نیف سەروکێ ئێکەتیێ و کارێ قەچاغیا وی ، د نڤیسینەکا ڕەخنە ئامێزدا بناڤێ ( دۆخی کوردستان و ماستاوچیەکان ) کو ڕامانا وی ئەو کەسن یێت کو مەلاقیێ دکەن دڤی دوخێ سەختێ ئابوریدا کو کوردستان کەتیە تێدا دبێژیت ” ماستاو ( مەلاقی کرن ) ژبو دەمێ دەستھەلات و دەستکەفت و فرسەتێدا ، ھندی بھێت تیر دبیت ” کو ڕامانا وی ئەڤەیە دەمێ پوست دھێن پارڤە کرن مەلاقی ژبو لاھور تلیاکچی زێدە دبن .
ھەروەسا د بەشەکێ دندا بەحسێ ئەڤان کەسا دکەت کو ھەردەم لـ میدیایدا مژیلێ بەڵاڤ کرنا پڕوپاگەندانن ژبو نیف سەروکێ ئێکەتیێ وەک بەختیار شاوەیس و کاروان گەزنەیی و سەرکو ئازاد گەڵاڵی ، دبێژیت ” ئەو کەسێن کو لـ سیاسەتێدا دیروکا وانا لاوازە ، یانژی بێ ھەلوێست بون و پشکەکن ژ تاوانان ، ھێزا ھزر کرنا وانا یا کورتە ، ئیدی چ چارە نابن تەنێ مەلاقی نەبن “.
چاڤدێرێت سیاسی ئەڤێ نڤیسینا مەلا بەختیار بـ گرنگ وەسف دکەن و دبێژن ئەڤە ئاماژەک باشە کو لناڤا ئێکەتیێدا ھێشتا دەنگەکێ ھەی بێژیتە لاھور تلیاکچی ( ھۆش ) . ھەروەسا ئەو نمونا کو ئەڤی سەرکردێ ئێکەتیێ ئینای کو گوتنەکا تولستویە دبێژیت ” ڕێزا گێلا بگرە ژبەر کو زورینەن ” ، ڕامانا وی لڤێ چەندێیە کو باڵێ خیانەتکار دەست بسەر ئێکەتیێدا گرتیە و دنھادا بوینە زورینە و پڕانیا ئەو کەسێن کو لـ کونگرا چارێ یا نەشەرعی ھاتینە پێش ئەون یێن کو ژلایێ لاھور تلیاکچیڤە ھاتین دەربرن.
