ڕێباز حەملان دزیەکا مەزنا تاقما خیانەتکار ئاشکەرا دکەت
دەنگێ بەھدینان
یاریدەدەرێ سەروک وەزیرانێ ھەرێما کوردستانێ دزی و گەندەلیا تاقما خیانەتکار ئاشکەرا دکەت کو داھاتێ باج و دەریێت سنوری ددزن و نازڤڕینن بو خەزێنا گشتیا دەولەتێ.
ڕێباز حەملان یاریدەدەری سەروکێ حکوومەتا ھەرێما کوردستانێ د بەرنامەکێ کەناڵا کوردستان ٢٤ دا ئاشکەرا دکەت کو ژ ٢٧ ملیون دولارێت باجێ ٪٨٣ یێ ھەولێر و دھوکێیە و ژ ٪١٧ یێ سلێمانیێ یە ، ھەروەسا ئاشکەرا دکەت کو ژ ٩٧ ملیون دولارێ داھاتێ دەریێت سنوری ٪٦٥ یێ ھەولێر و دھوکێیە و ٪٣٥ یێ سلێمانیێ یە .
ھەروەسا ئاشکەرا دکەت کو ژبو موچەی بـ لێبڕینا ٪٢١ حکوومەتێ پێتڤی یا بـ ٥٠٤ ملیون دولارا ھەی ، ٢٠٠ ملیون دولار داھاتێ نافخو ھەرێمێ یێ ھەی و ٣٣٥ ملیون دولار پارێ فروشتنا نەفتێ ، بەلێ لـ ٪٥٨ ژ داھاتێ نەفتێ ژبو شایستێت کومپانیایا دچن .
ناڤەندا ڤەکولینا دەنگێ بەھدینان پێشتر ئاشکەرا کربو کو ئەو پارێ ژ سلێمانیێ دھێت بو خەزێنا گشتی کێمترە ژ داھاتێ گشتیێ نافخویێ سلێمانیێ و پڕانیا ئەڤی پارەی دھێت دزین ژلایێ تاقما خیانەتکار ، ئەڤ زانیاریێت بەڕێز ڕێباز حەملان تەکەزێ لڤان زانیاریێن ( ناڤەندا ڤەکولینا دەنگێ بەھدینان ) دکەت کو زانیاریێن درست تانھا ھاتینە بەلاڤ کرن و سەدەمێ بڕینا ٪٢١ ژ موچێ فەرمانبەران ئەو دزیەیە ئەوا ژلایێ تاقما خیانەتکار بـ سەردەستیا لاھور تلیاکچی ڤە دھێت ئەنجامدان.
