ماڵباتا چەکدارەکا پەکەکێ دخازن کەچکا وان ژبوی وانا بزڤڕینن

دەنگێ بەھدینان

ماڵباتا ئێک ژ چەکدارێن پەکەکێ ، دخازن ئەڤ ڕێکخراوە کەچا وان بزڤڕینیت و ئیدی دەست ژ ڕەڤاندنا زاروکان بەردەت.

پشتی کو ڕێکخراوا پەکەکێ ھەڤپەیڤینەک دگەل چەکدارەکا خو کری بناڤێ ( نارین کوچەر ) ، ماڵباتا وانا جارەکادن داخازا ڕادەست کرنا کەچکا خو ژڤێ ڕێکخراوێ دکەن ، یەڵماس ئەلی برایێ نارینێ دبێژیت ” پەکەکێ لـ ساڵا ٢٠٠٢ کەچا مە لـ ژیێ ١٢ ساڵیێدا ڕەڤاندیە و مە گەلەک ژ پەکەکێ خاست کەچا مە بدەن مە و ژبوی دەی بابێت مە بزڤڕینن ، لێ ئەوان ڕەت دکر کو ئەوان ئیمان ڕەڤاندبیت ، دنھادا پەکەکێ ناڤێ وێ گوڕیە و کریە نارین کوچەر ، لێ ئەم خوشکا خو دناسین و سورەتێ وێ نەھاتیە گوھڕین ، لەوما ئەم داخازێ دکەین کو کەچا مە بدەنە دەستێن مە و دەستا ژ ڕرڤاندنا زاروکان بەردەن “.

ھەروەسا یەڵماس دبێژیت ” دەیکا من ژ خەمێت دوریا کەچا خو ژیانەک پڕی زەحمەتی و نالی دەرباس کر ، وێ بـ نەخوشیان و ژ خەمێت ئیمانا خوشکا من ( نارین کوچەر ) جانێ خو ژ دەست دایە “.

جھێ بیر ئینانێیە کو ڕێکخراوا پەکەکێ تانھا زێدەتر ژ ١٠ ھزار زاروکان لـ ھەر چار پارچێت کوردستانێ ڕەڤاندینە و بەرھەڤ نینە ژبو ماڵباتێت وانا بزڤڕینن ، تەنێ دەمێ کو تێن کوشتن تەرمێ وانا ژبوی ماڵباتێت وانا دزڤرینن ، لێ ئەڤەژی تەنێ ژبو خەلکێ باکورە و یێن پارچێت دن نازڤڕینن.