ئێکەتیێ نیڤیا دن یا سلێمانیێ ژ دەستدا

دەنگێ بەھدینان

بسەدەما سیاسەتا ( کەری دێز ) یا نیڤ سەروکێ ئێکەتیێ ، ئەڤێ حزبێ کو دەستھەلادارە لـ سلێمانیێ ، نیڤیا ئەڤی باژێڕی ژ دەستدا و پەکەکێ تێدا بویە دەستھەلاتدار.

پەکەکێ دەست بسەر چەند قەزا و ناحیە و گوندێت دەڤەرا سلێمانیێدا گرتینە ، ھەر ئێک ژ پێنجوین و قەلادزێ و پشکەکا مەزنا ڕانیە و گوندێت قەندیلێ کەتینە ددەستێ وێدا و بەرھەڤ نیە ژێ دەرکەڤیت، ئێکەتی تەنێ بناڤ لڤان جھان دەستھەلاتدارە ، دارا شوان چاڤدێری سیاسی لسەر ڤێ مژارێ بـ (( دەنگێ بەھدینان )) ڕادگەھینیت ” پەکەکێ لـ چەند قەزایەکێت پارێزگەھا سلێمانیێ دەزگەھێت خو داناینە وەک( شارەدەری ، موختار ، فەرمانگەھا باج و دەرامەت ، ئاسایش ، خالێن پشکنینێ ..ھتد ) ، مینا خودان و ڕێڤەبەر و دەستھەلادارێت ئەڤان جھان ڕەفتار دکەت و بـ پڕاکتیک ئەو چەند قەزا و ناحە و گوندا بڕێڤە دبەت ” .

لسەر ھەلوێست و ڕولێ ئێکەتیێ لڤان نافچەیان دبێژیت ” دنھادا ئێکەتی تەنێ ب شەکلی لڤان جھاندا مایە ، ئیدارا ڕاستەقینە یا ددەستێ پەکەکێدا ” ، ھەروەسا سەدەمێ ئەڤێ باڵادەستیا پەکەکێ ژبو ڕەفتار و کریارێت لاھور تلیاکچی دزڤڕینیت و دبێژیت ” لاھور چاوا بـ سیاسەتا کەری دێز کەرکوک و نیڤیا ئاخا کوردستانێ ژ دەستدا ، بـ ھەمان ڕەنگ نیڤیا سلێمانیێژی ژدەستدا ، ئەوی ھزر کر کو پەکەکێ دێ بھێز کەت دا بڕێیا وێڤە ئارمانجێن چەپەڵێت خو بجھ بینیت ، لێ ژبیر کر پەکەکە تاکڕەوە و تو کەسەک قبول ناکەت ژ خو زێدەتر ، لەوما نھا ئێکەتی باجا ئەڤێ سیاسەتا کەرێ دێز ددەت و تەنێ لـ چەند تاخەکێت سلێمانیێ دەستھەلات مایە “.

جھێ بیر ئینانێیە کو لاھور تلیاکچی نیف سەروکێ ئێکەتیێ لـ ١٦ ێ ئوکتوبەرا ٢٠١٧ نیڤیا ئاخا کوردستانێ تەسلیمێ حەشدا شەعبی و میلیشیایان کر کو دێ پێشمەرگەی ژ کەرکوکێ دەرئێخیت و کەرکوک دێ بو وی و تاقما وی مینیت ، لێ نە ئەو و نە تاقما وی لـ کەرکوکێ نەمان تەنێ بەشەک ژ خەلکێ ئەڤێ پارێزگەھێ نەبن ، ئەوژی ژبو ھەلگرتنا کلاشینکوفان دا کو دزی لـ بارەگەھێت وانا نەھێنە کرن ، موڵەتێ ژ حەشدا ترکمان وەردگرن.