کابینا نەھێ ژیەک کێم و خزمەتەک ھەری مەزن

 

دەنگێ بەھدینان

کابینا نەھێ یا حکوومەتا ھەرێما کوردستانێ شیا لـ ماوێ دوو ساڵاندا بسەر ھەمی کوسپ و تەگەران سەر کەڤیت و د ژیەکێ کێمدا خزمەتەکا ھەری مەزن بکەت.

سەرباری ھەمی ئەو قەیرانێت کو بەروکا ھەرێما کوردستانێ گرتی بسەدەمێ ئەگەرێت نافخویی و دەرەکی ، کابینا نەھێ شیا ڤی وەڵاتی ڕابگریت و لـ ناڤ ھەمی مەترسیاندا بـ پارێزیت و بـ ھێزتر بکەت .
ددەمەکیدا کو بھایێ نەفتێ ژبەر ڤایروسا کورونای بھایێ خو ژدەست دا و داھاتێ نافخو نێزیک بو ژ سفر لـ سەدێ ، لێ حکوومەتا ھەرێما کوردستانێ بەردەوام بو لسەر خزمەت کرنێ ، پڕوژێ ئەندەرپاسا شەقامێ بارزان لـ پارێزگەھا دھوکێ کو ئێکە ژ مەزنترین پڕوژێت ڕێگە و بانا ھات ڤەکرن و دنھادا بویە ئێک ژ مەزنترین ئەندەرپاسێت کوردستان و عیراقێ.

پشتی چەندین ساڵا ژ ڕاوەستانا شەقامێ سەد مەتریێ سلێمانیێ ، شیا بـ گوژمەک تایبەت کو ( ٤٠٠ ) ملیار دینارن ،ئەڤی پروژەی بکار بێخیت و دنھادا ٢٤ دەم ژمێران کار تێدا دھێتە کرن.

ڤەکرنا باژێڕێ پیشەسازی لـ پارێزگەھا دھوکێ و ڕەخساندنا دەلیڤین کاری بو گەنجان و دانانا بەرێ بنیاتێ ژبو سایلویان لسەر ئاستێ ھەرێما کوردستانێ بو پاراستنا بەرھەمێ نافخو و بھێزکرنا ئاسایشا خوراکێ ، ھەروەسا دانانا بەرێ بنیاتێ ژبو مەزنترین نەخوشخانە لـ قەزا ئامێدیێ ، کو دھێتە ئەژمارتن ئێک ژ مەزنترین پڕوژێت خزمەت گوزاری ددیروکا ئەڤێ قەزایێدا.

ئاڤا کرنا دوو پروژێن ھەری مەزن یێت بـ بازاڕکرنا گەنمی لـ ھەردوو پارێزگەھێن ھەولێر و سلێمانیێ و پرا دەربەندێ ڕانیە و تەمام کرنا ئەڤان شەقامان یێت کو بسەدەما قەیرانا دارایی و سەدەمێن جودا جودا ھاتین ڕاوەستاندن .

نوژەنکرنا شەقامێت دەرەکی و قیرکرنا تاخێن نو لـ ھەرچار پارێزگەھێن ھەرێما کوردستانێ .

ژ ھەمیێ مەزتر و ئەو تشتێ کو ھەرێما کوردستانێ سەرێ چەند ساڵابو بدەستێ وێ دناڵاند کو گەندەلی بو ، کابینا نەھێ شیا گەندەلیێ بگەھینیتە نزمترین ئاست و بندیوار و ئەو کەسێن کو موچێ زێدە وەردگرن موچێن وانا قوت بکەت ، تەنێ د ئێک پێنگاڤێ ٣٠ ھزار موچێت نەیاسایی بڕین و موچێن پلە بلندان کێم کرن و موچەدان ژ سێ ھەیڤا جارەکێ ، کرە ھەر ھەیڤ و لـ ٢٥ ێ ھەر مەھەکێدا دھێت پارڤەکرن.

کابینا نەھێ شیا خزمەتێ بگەھینیتە ھەمی جھان ، چەندین پڕوژێت گەشتیاری و کارگەھێن جودا جودا لـ سەر ئاستێ ھەرێما کوردستانێ ھاتن ڤەکرن مینا پڕوژێ گەشتیاریێ چیایێ زاوا و کارگەھا فینگەرا لـ سێمێلێ و کارگەھا بەرھەم ئینانا شیش و ئاسنی لـ ھەولێرێ و ڤەکرنا وێستگەھێت مەزنێت بەرھەم ئینانا کارەبێ .

 

ئەو پڕوژێن نیشتەجێ بونێ کو ھاتبون ڕاوەستان ، پڕانیا وان جارەکادن بـ کارخستن و پارێ خزمەت گوزاریان لـ ئەڤان پڕوژان ھات کێمکرن ، کوالێتیا خانو بەران بلند کر و چەندین پڕوژێن وەبەرئینانێ ھاتن ڤەکرن لـ کەرتێ خان و بەرەدا .