ئێکەتیێ لسەر کومێنتەکێ ڕوژنامەنڤیسەک شەش هەیڤان زیندانی کر

دەنگێ بەھدینان

لـ سەر ئاشکەرا کرنا گەندەلیان و نڤیسینا کومێنتەکێ ، ڕوژنامە نڤیسەک لـ ھەلەبجەی شەش ھەیڤان تێ زیندان کرن.

ناسح عەبدولرەحیم ڕوژنامەنڤیس لـ پارێزگەھا ھەڵەبجەی پشتی کو گەندەلیەکا ئیدارا ڤێ پارێزگەھێ ئاشکەرا کری و کومێنتەک نڤیسی ، ژلایێ ئاسایشا ئێکەتیێڤە ھات دەستەسەر کرن و پشتڕا لبن فشارا حزبی ، دادگەھا ھەڵەبجەی شەش ھەیڤان سزایا زیندان کرنێ لسەر سەپاند.

لسەر ڤێ مژارێ عەلی عەونی ئەندامێ سەرکردایەتیا پارتی دبێژیت ” ئەگەر ئەڤە ل سنورێ ھەولێر و دھۆکێ رویدابا ، کەمپینباز و چاڵاکێن بناڤ مەدەنی دا خۆنیشاندانان رێکئێخن و دا مانگرتنێن برسی بوونێ سازکەن . چنکۆ ل سنورێ زۆنا ئالۆزە و دیارە تاوانبارە ب پارتیبوونێ ، ئێدی چی بسەرێ وی بھێت ، مستەحەقە ” ، ھەروەسا بارزان عەلی حەمە ڕوژنامەنڤیسێ پارێزگەھا سلێمانیێ دبێژیت ھەر کەسەک نە دناڤا گروپا ئالوزدا بیت کەس لـ مافێن وی ناپرسیت، ڕیێ قەلەمێ خو لـ کرێ گرتیێت دەزگەھا زانیاری دکەت و دبێژیت ” لاھوریێت ئازادی خوازێت باژێڕی ، تەڤایا میدیایێت لاھورپرێس ، ھەمی بێدەنگن ، ھیڤیە ھەمی لسەر بـ دەنگ بھێن ” ، ڕامانا وی ئەو پەرلەمانتار و ڕوژنامەنڤیس و ئەکادیمینیە کو ژلایێ دەزگەھا زانیاریڤە تێن پارەدار کرن لـ ھەمبەر ڤەشارتنا تاوانێن ئێکەتیێ و نیف سەروکێ وێ .