ئەو باڵەخانا بناڤێ کەناڵا ئای پڵەس درەو دەرکەت
دەنگێ بەھدینان
لـ درێژەیا زڤڕاندنا مولک و مالێ ئێکەتیێ ژ تاقما خیانەتکار و پاکسازی کرنێ ، دەست بسەر باڵەخانەکێدا ھات گرتن کو بناڤێ کەناڵەک میدیایی لسەر داھاتێ ئێکەتیێ ھاتبو دانان ، لێ دەرکەت نەڕاستە و بتەنێ سەنتەرەک بویە ژبو چەند پەیج و ماڵپەڕێن بەڵاڤ کرنا تیرورا ھزری دھات بـ کار ئینان.
ژێدەرەکێ تایبەت لـ ناڤ ڕێکخستنێن ئێکەتیێ بـ (( دەنگێ بەھدینان )) ڕاگەھاند ” پشتی کو ھێزەکا تایبەت ھاتیە پێک ئینان ژبو زڤڕاندنا مولکێ ئێکەتیێ ژ لاھور تلیاکچی و گروپا وی ، دەرکەت سەنتەرەک تایبەت دانایە لبن ناڤێ کەناڵەکا ئەسمانی بناڤێ ئای پڵەس ، لێ لـ واقعدا درەو بویە ، بتەنێ سەنتەرەکە کو ژبو بەلاڤ کرنا تیرورا ھزری و ئێرش کرنە سەر کەسایەتیێت سیاسی و سەرکردێن ناڤا ئێکەتیێ دھات بکار ئینان ، لەوما ئەڤ باڵەخانەیە ھات داخستن و ئەو کەسێن کو کار تێدا دکری ھاتن دەستەسەرکرن “.
چالاکڤانێت سوشیال میدیایێ لسەر ڕێڤەبەرێ ئەڤێ سەنتەرێ دئاخڤن و توانجان لسەر ددەن ، کارمەند سمایل کو ئێکە ژ چالاکڤانێت ھەری دیارێت توڕێن جڤاکی دنڤیسیت ” لـ دیماھیکێ دەرکەت ھیوا جەمال ڕێڤەبەرێ پەیج و ماڵپەڕایە نەک کەناڵەک تەلەفزیونی “، ھەروەسا شاھۆ شەمێرانی ئێکە ژ چالاکڤانێت دن یێت توڕێن جڤاکی و کادرێ ئێکەتیێ دبێژیت ” لاھور تلیاکچی پارێ ماڵباتێت شەھیدا و داھاتێ نافخویێ سلێمانیێ و کارێ قەچاغیێ ژبو لێدان لـ ماڵباتا تاڵەبانی و خو بـ ھێزکرنێ بکار دئینا و ھەولا کرێت کرنا جڤاکا سلێمانیێ ددا ، لێ لـ دیماھیکێدا دەستێ ڕەش دەرکەت و ئەو کویلە و کرێ گرتی ھاتن دەستەسەر کرن”.
