حەمەسوور دوو شیوانی : لهەر پێنج دەزگەهێت ئەمنی دوو کارمەندێت کورد تێدانینە
چالاکڤانەک بەرسڤاوی ددەت و دبێژیت :نیڤ سەروکێ تە بەرپرسە لـ زەلیل بونا ھەوە
دەنگێ بەھدینان
بەرپرسێ مەلبەندا دوو یا ئێکەتیێ لـ کەرکوکێ دبێژیت لـ ھەرپێنج دەزگھێت ئەمنی، دوو کارمەندێت کورد تێدا نینە و چالاکڤانەک بەرسڤا وی ددەت و دبێژیت نیڤ سەروکێ ھەوە بەرپرسە لـ ھەمبەر ڤێ پرسێ.
حەمەسور دوو شیوانی بەرپرسێ مەلبەندا دوویا ئێکەتیێ لـ کەرکوکێ لـ کونگەرەیەکا میدیاییدا ڕادگەھینیت کو لـ ھەرپێنج دەزگەھێت ئەمنی لـ کەرکوکێ دوو کارمەندێت کورد تێدا نینە ، ھەروەسا دبێژیت کەرکوکێ ژیان تێدا نەمایە ژبەر گلێشی .
سەگڤان کێستەیی چالاکڤانێ سیاسی بەرسڤا حەمەسوور دوو شیوانی ددەت و دبێژیت ” ھەمی داھات و دەستھەلاتا کەرکوکێ ددەستێ ھەوەدابو ، لێ وەک کەرێ دێز ھەوە فروشت و نھا گلەییا دکەن ، ئەگەر وەبڤێت گلەییا لـ کەسەکی بکەن ، ھەڕن لـ نیڤ سەروکێ خو بکەن ، ژبەرکو ئەو تاوانبارێ سەرەکیە لـ فروشتنا کەرکوکێ و تەسلیم کرنا وێ بـ حەشدا شەعبی و حەسەن پلایس”.
پشتی خیانەتا ١٦ێ ئوکتوبەرێ و فروشتنا کەرکوکێ ژ ئالیێ ملێ خیانەتکارێ ئێکەتیێ ، کەرکوک نەبتەنێ ژبو کوردا ، ژبو تەڤایا خەلکێ وێ ژیان تێدا نەما و خزمەت گوزاری و ژیارا ساخلەم نەمان و خەلک دنھادا خوزیا بـ سەردەمێ ئیدارا کوردیدا دخازن.
