١٧ مفایێن ڤەخارنا ئاڤا لەیمونا

ڤەخارنا ئاڤێ مفایێن خۆ هەنە و ڤەکۆلەر دیاردکەن و دبێژن رۆژانە مروڤی پێدڤی ب دو تا چوار لترێن ئاڤێ هەیە، هەروەسا ل لایەکێ دی ئەو کەرستە و فیتامین و کانزایین د لەیمونان دا مفایێن باش بو ساخلەمیا مرۆڤان هەیە، و هەردو پێکڤە ئانکو ڤەخارنا ئاڤا لەیمون دگەل دا نەخاسمە ل سپێدەهیان، مرۆڤان ژ گەلەک نەخۆشیان دویر دکەت، هەروەسا ئاڤ دگەل لەیمونان تاما ئاڤێ خۆشتر لێ دکەت و لەیمون ژی سڤکتر لێ دهێت بۆ ڤەخارنێ، و ژبەر کو دا لەش گەلەک وزێ نە مەزێخیت ئاڤا تێن سیر بکار بینە.

١- کێم کرنا کێشا لەشی. ب رێکا رێکخستنا رێژا شەکرێ د خوینێ دا و نەهێلانا هەستکرنێ ب برسێ هاریکارە بۆ کێم خارنێ. هەر وەسا هاریکارە بۆ حەلاندنا کرشی.

٢- بەرگریکارە. هاریکارە بۆ کوئەندامێ لیمف ( lymphatic system) ئەوێ هەڤدەم د گەل کوئەندامێ بەرگری کرنێ (Immune system).

٣- پەرسیڤێ (ئەنفلونزا). کوئەندامێ بەرگریکار ب هێز د کەت، و کارتێکرنێن هەڤدژ لسەر ڤایروس و بەکتریا هەیە، و ژبەر دەولەمەندیا لەیمونێ ب ڤیتامین (C) د بیتە چارەسەرەکێ کاریگەر بۆ پەرسیڤ و ئەنفلونزا.

٤- زیپکان (پرسکێن گەنجاتیێ). هاریکارە بۆ گوهارتنا پلەیا گەرماتیا ترشێ لەشی، کو دبیتە ئەگەر نەهێلت پرسکێن گەنجاتیێ درست ببن.

٥- قەپس بونێ. هاریکارە بۆ کێم بوون یان نەهێلانا قەپس بوونێ، چونکە  هاریکارە بۆ لڤینێن ریڤیکان.

٦- بەرکێ زەڕاڤی . ڤەخارنا ئاڤا ب لەیمون، دگەل دانێن خارنێ ئێشانا بەرکێ زەراڤی کێم دکەت.

٧- بەرسوژێ. گەلەک جارا بۆ بەرسوژێ شوینا دەرمانان د گریت.

 

٨- قولون . هاریکارە بۆ راگرتنا هەڤسەنگیا پلا ترشاتیا، و هەودانا قولونێ نەهەڤسەنگی یە ل سەر ئاستێ ترشیان د لەشی دا.

٩- تێکچونا زەڤلەکان Fibromyalgia . ڤەخارنا ئاڤا لەیمون دگەل دا دگەل ئەنجامدانا یوگایێ هاریکارە بو باشبونا نەخوشێن Fibromyalgia .

١٠- ئێشان و وەرمتنا گەهان. هاریکارە بۆ کێمکرنا ترشیێ یوریک د گەهان دا، د بیتە ئەگەر بۆ کێمکرنا هەودانان.

١١- هەودانان. هاریکارەکێ باشە بۆ دژی هەودانان.

١٢- نینوکان.ئاڤا د ناڤ لەیمونان دا نینوکان بهێز دکەت، و پنێن سپی یێن لسەر نینوکان کێم دکەت.

١٣- ئێشانا زەڤلەکان.پشتی راهینان و وەستیانێ ئارام بەخشە و تەناکەرە بو لەشی و ئێشانا زەڤلەکان ناهێلیت.

١٤- راوستاندن ژ ڤەخارنا ڤەخارنێن کحولی. هاریکارە بو هێلانا ڤەخارنێن کحولی.

١٥- بەرکێ گولچیسکان. پوتاسیوم دناڤ دایە و ستراتا د ناڤ دەستئاڤا زراڤ زێدە دکەت، وەسا ناهێلیت بەرک درست ببن و هاریکارە بو هاڤێتنا وان.

١٦- ژەهراوی بوون. بەرگریکارەکێ ب هێزە بۆ دژی ژەهراوی بونا ژ خارنان درست دبیت.

١٧- پاقژکرنا دێمی. ڤەخارنا ئاڤێ و ب زێدە کرنا ڤیتامین (ج) هاریکارە ژەهرێن دناڤ خوینێ دا نەهێلیت ، دبیتە ئەگەر دێم ب گەشی ب مینیت و قورمجینا وی نەهێلیت.