ڤەخارنا قەهوێ و ژی درێژی د دو ڤەکۆلینان دا
ڤەکولینەکا نوی دیار دکەت ئەو کەسێن رۆژانە ٣ تا ٤ کوپێن قەهوێ ڤەدخۆن، ١٧٪ ژ مرنێ دویر دکەڤن بەرامبەر وان یێن قەهوێ نە ڤەخۆن.
ل دویڤ ڤەکولەرێن زانکویێن ساوسامبتون و ئەدەنبەرە و پشتی پێداچونا دورێن ٢٠٠ دو سەد ڤەکۆلینان کرین، دبێژن ڤەخارنا ٣ تا ٤ قەهوێ رۆژانە ژمارەکا نمونەی یە. بەلێ ئەگەر ب بنە ٧ کوپ رۆژانە رێژا ژی درێژیێ کێم دبیت و دبیتە ١٠٪ .
هەر ڤان ڤەکۆلەران کێمکرنا مەترسیا هندەک جورێن پەنجەشێرێ وەکی پەنجەشێرا پروستاتان، رەحمی، پیستی و زەڕاڤی ب ڤەخارنا قەهوێ ڤە گرێدان.
هەروەسا بکارئینانا قەهوێ مفایێن خۆ هەبون ل سەر نەخۆشێن شەکرێ و زەڕاڤی و هندەک نەخۆشیێن مێلاکێ.
بەلێ ئەڤە ڤەکۆلینە لسەر ژنێن دو گیان جێبەجێ نابیت، وان گەلەک ب کارئینان قەهوێ ب کێمبوونا رێژا ژ دایک بویان، و ژدایک بونا بەری وەختێ خۆ و ژبەرچونێ ڤە گرێددەن.
د ڤەکۆلینەکا دی دا یا زانیانیێن پرتوگالی ئاشکرا دکەن رۆژانە ڤەخارنا ٣ کوپێن قەهوێ هاریکارە نەخوشێن گولچیسکان یێن دومدرێژ ژیێ وان درێژ تر لێبیت، و لدویڤ رۆژاناما دەیلی مێل یا بریتانی دیار دکەن پشتی بۆ دەمێ ١٢ سالان ڤەکولینا حالەتێن ٢٣٠٠ نەخۆشان کرین دیار کر ئەو نەخوشێن گەلەک کافین ب کار دئینا ٢٥٪ ژ یێن دی پتر ژیان بر.
