گرێبه‌ستا هالاندی ب 175 ملیون یۆرۆیا هاتیه ده‌ستنیشانكرن
یانا برۆسیا دورتمۆند یا ئه‌لمانی ئه‌و هه‌موو بزاڤێن یانێن چێلسی یا ئنگلێزی و ریال مه‌درید یا ئسپانی تێكدان ژبۆ ب ده‌ستڤه‌ئینانا ستێرا وێ و یاریزانێ نه‌رویجی ئیرلینگ هالاند و بۆهایێ گرێبه‌ستێ بۆ 175 ملیۆن یۆرۆیان زێده‌كر.
لدویڤ راپۆرتا رۆژناما بێلد یا ئه‌لمانی كو تێدا هاتیه مایكل زۆك رێڤه‌به‌رێ وه‌رزشی ل یانا برۆسیا دۆرتموند دیاركر كو ئه‌و بێی زاربوون ژ بزاڤێن سێ یانێن مه‌زنه ئۆرۆپا، چێلسی، ریال مه‌درید و پارێس سانجێرمان له‌ورا ئه‌وان بڕیاردا گرێبه‌ستا وی ژ 100 ملیۆنا بۆ 175 ملیۆنا زێده‌بكه‌ت و هه‌ر یانه‌كا بڤێت ڤی كۆژمی به‌رهه‌ڤبكه‌ت دێ یاریزان گرێبه‌ستا وان ئێمزاكه‌ت و گوت: ئه‌م باش دزانین ئه‌ڤ كۆژمه یێ مه‌زنه د ڤان كاودانا دا یانێن ئۆرۆپا ئه‌وی پاره‌یی ب سانه‌هی بۆ ئێك یاریزان پارڤه ناكه‌ن و ئه‌م ژی گه‌له‌ك پێدڤی هالاندی نه، لێ هه‌ر یانه‌كا كۆژمێ دیارگری یێ گرێبه‌ستێ به‌رهه‌ڤ بكه‌ت رێكێ لێ ناگرین.
ژلایه‌كێ دیڤه تۆماس تۆخێل راهێنه‌رێ چێلسی یا ئنگلێزی گڤاشتنێ ل سه‌ر به‌رپرسێن یانا خوه دكه‌ت كو ب هه‌ر شێوه‌كێ بیت هالاندی بۆ تیما وی به‌رهه‌ڤبكه‌ن به‌ری هه‌ر یانه‌كێ تایبه‌ت پشتی ئه‌ڤ یاریزانه رازی بووی یاریێ بۆ چێلسی بكه‌ت.
