ھیڤیدارین ئێکەتی ئێک ئاراستە بیت دابکارین لـ ھەڤپەیمانیا خو بەردەوام بین
دەنگێ بەھدینان
عەلی حسێن ئەندامێ جڤاتا سەرکرداتیا پارتی دیموکراتی کوردستان و بەرپرسێ مەکتەبا پەیوەندیێت نیشتیمانی_یا پارتی د ھەڤپەیڤینەکێدا دگەل کەناڵەکا نافخویی ڕاگەھاند ” ھیڤیدارین ئێکەتی ئێک ئاراستە بیت ، دابشێین وەک ھەڤپەیمان دگەل بمینین ” ، ھەروەسا لسەر کاریگەریا ئاریشێن نافخویێت ئێکەتیێ لسەر سەقایا سیاسی ڕاگەھاند ” ئاریشێت نافخو کاریگەری یا لـ سەر پڕوسا سیاسی ھەی ،لەوما ئەم دخازین بـ دانوستان و دیالوگ ئاریشێن خو چارەسەر بکەن ، ھەروەسا گوتژی ” ئەم دوو حزبێن جودا و دوو ئاراستێن جوداین ، لێ لـ پرسێن نەتەوەیی و نیشتیمانی ئێک ھەلوێستین “.
ھەروەسا لسەر ئەڤان پڕوپاگەندێن کو بەحسێ ئەڤێ چەندێ دکەن پارتی دەست ھەبیت لـ ئاریشێن نافخویێت ڤێ حزبێ ڕاگەھاند ” ئەو ئاریشێن ھەین ھیچ پەیوەندیەک بـ پارتیڤە نینە ، ئەو ئاریشەک نافخوییە ، ئاریشا نھا ھەی یا زەلالە و پەیوەندی یا بـ گوپیتکا دەسەلاتا ئەڤێ حزبێ ھەی “.
