سێ سەفقێت مەزن ھاتن ئاشکەرا کرن

دەنگێ بەھدینان

لـ گور زانیاریێن (( دەنگێ بەھدینان )) ، کو ژ ژێدەرەکێ تایبەت بدەست کەتین ، لاھور تلیاکچی و شاسوار عەبدلواحد لسەر چەند خاڵەکان سێ سەفقێت نھێنی گرێداینە بڤی ڕەنگی :

•لاھور تلیاکچی دێ شاسوار پارێزیت ژ دادگەھ و دەستەسەرکرنێ ، لـ بەرانبەردا، شاسوار ژ ٪‏٥٠ داھاتێ خودان پشکێت چاڤی لاند دێ دەتە تلیاکچی.

•شاسوار عەبدلواحد دێ بێدەنگ بیت لـ ھەمبەر کارێ قەچاغیێ لـ ھەردوو دەریێت سنوریێت باشماغ و پەروێزخانێ ، لـ بەرانبەردا لاھور تلیاکچی دێ بودجەکێ تایبەت دەتە نڤیسینگەھا ئێن ئاڕتی لـ پارێزگەھا دھوکێ.

•بێدەنگ کرنا کەیسێ ئامانج بابانی و قەپاتکرنا ئەڤێ دوسیێ ، لـ بەرانبەردا لاھور تلیاکچی ١٥ دونمێت ئەردی ژبو ئاڤاکرنا پڕوژەکێ نیشتەجێ بونێ لـ بەکرەجوی ، لێ ژ ٪‏٢٥ داھاتێ ئەڤی پروژێ ھەنێ دێ بو ئاراسێ برایێ لاھور تلیاکچی بیت.

ئەڤی ژێدەری ئاشکەراژی کر کو بـ فەرمانا ئێکەتیێ لێژنەک ڤەکولینێ لسەر ئەڤان کەیسا پێکھاتیە و دنھادا کەیسێ خودان پشکێت چاڤیلاند ھاتیە لڤاندن لـ دادگەھێ ، ئەڤەژی وەک پێنگاڤەک بو سزادانا لاھور تلیاکچی و کومکرنا دەنگان ژبو ھەلبژارتنێن بھێت یێت جڤاتا نێنەرێن عیراقێ.