سەدەمێ هەلوەشاندنا کومبونا لاهور تلیاکچی هات ئاشکەراکرن
دەنگێ بەهدینان
بڕیار بو لاهور تلیاکچی ، نیف سەروکێ بەرێ یێ ئێکەتیێ دگەل کومەک ئەڤان گەنجا کوم ببیت ، ئەوێن کو وێنێت وی ل بارەگەهێن حزبی و حکوومی داین ، ژێدەرەکی کو نەخاست ناڤێ وێ بهێت ئاشكرا کرن ب (( دەنگێ بەهدینان )) ڕاگەهاند ” لاهور تلیاکچی دخاست دگەل ئەڤان کەسا کوم ببیت ، ئەوێن کو بپارە کڕین و موچێ تایبەت ددایێ ژ پارێ دزینا داهاتی و کارێ قەچاغیێ ، لێ پشتی کو پەیوەندی ب ئەڤان گەنجان ڤە کری کو داخاز ژێ بکەت ل کومبونێدا بەرهەڤ ببن ، پڕانیا وانا ڕەتکر کو دگەل کوم ببن ، لەوما کومبون هاتە هەلوەشندن “.
هەروەسا گوت ” دنهادا کەس تو حسێبان ژبو لاهور تلیاکچی ناکەن ، ژبەرکو دترسن ئەوژی بهێنە تومەتبار کرن و دادگەهکرن لسەر کریارێت چەپەڵێت کو لڤان چەند ساڵاندا ئەنجامداین ” ، ئەڤە ددەمەکیدایە لاهور تلیاکچی هەر ڕوژ بڕێیا میدیا و سوشیاڵ میدیای دڕەڤی و ب تایبەت پشطی ١٦ێ ئوکتوبەرێ بەحسێ دادگا کرنا ئەڤان کەسا دکر ئەوێن کو بوینە سەدەمێ ژ دەست دانا کەرکوکێ ، لێ دنهادا خو بێدەنگ کریە ، سەرکان خوشناو چالاکڤانێ سیاسی لسەر ڤێ مژارێ ل والێ تایبەتێ خو ل توڕا جڤاکیا فەیسبوکێ نڤیسیە ” لاهور هەر ڕوژ دزەڕی و دکرە هەوار ، لێ پشطی کو دیفچون و ڤەکولین بوینە ڕاستی ، سەی ئەزمانێ وی خار و ب ئێک پەیڤ بەحسێ ڤەکولین و دادگایی کرنێ ناکەت “.
