لڤێ ھەیڤێ ڕا موچێ فەرمانبەران بێ لێ بڕین دێ ھێت پارڤەکرن
دەنگێ بەھدینان
ئەڤڕو ڕوژا ئێک شەمبی ٢٥ێ تەموزا ٢٠٢١ ، ھێژا مەسرور بارزانی سەروکێ حکوومەتا ھەرێما کوردستانێ د گوتارەکا میدیایی لـ سەر دوخێ دارایێ ھەرێما کوردستانێ و پارڤە کرنا مووچەی پێش کێش کر و بـ دیماھیک ھاتنا لێ بڕینا مووچەی ڕاگەھاند.
ھێژا مەسرور بارزانی سەروکێ حکوومەتا ھەرێما کوردستانێ ددەستپێکا گوتارا خودا ڕاگەھاند ” سوپاسیا خەلکێ خوڕاگرێ کوردستانێ دکەم ، مە سوزا دای دگەل خەلکێ خو ڕاستگو و شەفاف بین ، لسەر ڕێکەفتنا ھەولێر و بەغدا و چاوانیا ئەڤێ ڕێکەفتنێ ڕاگەھاند ” ئەم بەرھەڤ نەبوین ملکەچێ ھیچ فشارەکێ ببین ، ھیڤیدارین حکوومەتا فیدڕال یا بەردەوام بیت لسەر سوزا خو ئەوا دای ژبو شاندنا ئەڤی بڕە بودجەی “.
ھەروەسا لسەر لێ بڕینا مووچەی ڕاگەھاند ” لڤێ ھەیڤێ ڕا لێ بڕینا موجەی نەما و بێ لێ بڕین دێ ھێت پارڤەکرن” ، ھەروەسا گوتژی ” ئەرکێ حکوومەتێ تەنێ دابینکرنا مووچەی نیە ، ئەرکێ مە ئاڤاکرنا ژێرخانەکا ئابوریا بـ ھێزە “.
ھەروەسا ددیماھیک گوتارا خودا پەیامەک ئاراستەی خەلێ کوردستانێ کر و گوت ” داخازێ ژ خیشک و برایێت بەڕێز دکەم ، پێگربن بـ ڕێنماییێت ساخلەمیێ ، پەلێ بکەن لـ لێدانا ڤاکسین و خو کوتانێ ، بێ خوپارێزی و خو نەکوتان ڕێژەیا توشبونێ دێ بلند بیت و د ھەلکشانێدا بیت “.
