پەکەکێ بـ ملیونان دولارا زرار گەھاندیە کەرتێ گەشتیاری
دەنگێ بەھدینان
لـ گوڕ دیفچونێت ڕێکخراوێت تایبەت بـ بوارێ گەشتیاری ، پەکەکێ تانھا بـ ملیونان دولار زرار گەھاندیە کەرتێ گەشتیاری لـ ھەرێما کوردستانێ .
ئازاد فەرھاد پسپوڕێ بوارێ گەشت و سەیرانان بـ (( دەنگێ بەھدینان )) ڕاگەھاند ” لـ گور ئامارێت بەردەست و بـ پشت گرێدان بـ دیفچونێت ئالیێن پسپوڕ ، ڕێکخراوا تیرورستیا پەکەکێ تانھا بـ بھایێ ٣٠٠ ملیون دولاران زرارا گەھاندیە کەرتێ گەشت و سەیرانان لـ ھەرێما کوردستانێ “.
ھەروەسا گوت ” دەڤەرا بەھدینان کو دەڤەرەکا سیاحیە و پڕانیا جھێن وێ گەشتیارینە ، پەکەکێ زرارەک مەزن لـ ئابوریا وێدایە ، ناحیا چەمانکێ کو ئێکە ژ خوشترین جھێت دەڤەرێ و نافچەیەکە پڕی دارستان و ئاڤیە ، ھەمی بویە جھێ جەنگی ، ئەڤێژی وەکریە کو خەلک بێ کار ببیت و سود ژ ئەڤان جھا نەھێت وەرگرتن کو دشێت ساڵانە ھەتا ١٠ ملیون دولاران داھات ژێ بھێتە دابین کرن ژبو داھاتێ گشتی “.
ھەروەسا گوت ” مخابن قەزا ئامێدیێ گو جھەک کەڤنار و دیروکیە و دشێت ژبو گەشتیاریا ئاینی بھێت بکار ئینان بـ تایبەت گوندێت کرستیان کو کەنیسێت کەڤن لێ ھەنە دشێت ببیتە ناڤەندا گەشتیاریا ئاینی ، ژبەرکو نھاژی خەلک ژ وەڵاتێن ئەوروپی دھێن بو سەرەدانا ئەڤان کەنیسا کو ژیێ وان لسەر ٥٠٠ ساڵایە و جھێ وان سروشتەک جوان و دل ڤەکری ھەیە ، لێ حکوومەتا ھەرێمێ و خەلکێ نافچەی نەشیایە سودێ لێ وەرگریت ژبەر پەکەکێ “.
گوتژی ” دڤێت خەلکێ دەڤەرێ ھەمی دژی ئەڤان کریارا ڕابوەستن و بـ ئێک دەنگ داخازا چونە دەرا وان لناڤا ئەڤێ دەڤەرێ بکەن ، دابشێن پیتەی بڤی بواری بدەن و سود لـ سروشتێ نافچەیێن خو وەرگرن و وەک وەبەرھێنەر کاربکەن”.