نڤیسەرەک: پەکەکە سیاسەتا دگیرکەرا بەردەوام دکەت

دەنگێ بەھدینان

ڕێکخراوا پەکەکێ چەند چەنگ و گروپەکێت سیبەر چێکرینە و کارێن جودا جودا پێ دکەت لـ ناڤ خو و دەرڤە ، ڕێکخراوەک بناڤێ ( کەنەکە ) ئێرشی سەر پێشمەرگەی دکەت و تومەتبار دکەت بـ شەڕ فروش و بـ ( پێشمەرگێت پەدەکێ ) ناڤ دبەت ، لـ ھەمبەردا ( سمکو عەبدولعەزیز ) نڤیسەرێ دیارێ کورد بەرسڤەکا لوژیکی و سەلمێنەرا ئەڤێ ڕێکخراوێ و سەران و پروپاگەندێت وێ ددەت و دبێژیت ” بکار ئینانا دەستەواژەیا ( پێشمەرگەھێت پەدەکێ ) ، ئەڤە بتەنێ ژلایێ دەولەتێت داگیرکەر ڤە دھێت بکار ئینان ” زێدەتر دبێژیت ” ئەڤەژی ژبەر ئەڤێ چەندێیە کو تانھا دان بـ ھەرێما کوردستانێ و وەزارەتا پێشمەرگەی نەنایە ، ھین بـ ھەمان دیتن و نەرین لـ حکوومەتا باشور و پێشمەرگەی دڕوانن “.

ھەروەسا دبێژیت ” پێشمەرگەھێ کوردستانێ ھێزەک ڕێکخراون و لـ گور دیسپلینێت وەزارەتا پێشمەرگەی کاردکەن ، کارێ سەرەکی یێ پێشمەرگەی پاراستنا ھەرێما کوردستانێیە ژ ھەر دەست درێژیەکێ “.

زێدەتر دبێژیت ” تو حزبەکا کوردی لـ ھەرچوار پارچێت کوردستانێ دان بـ ڕێکخراوا ھەوە نەنایە و ژبو ھەمی ئالیەکی دیارە کو سەربخو نینە و چەنگەکن ژ چەنگێت پەکەکێ و بڕیارێت ھەوە ھەمی ژ قەندیلێ دھێن “.

جھێ باسێیە ، پەکەکێ چەندین چەنگ و گروپ چێکرینە لبن ناڤێت جودا جودا و سیاسەتێت خو پێ جیبجی دکەت ، ڕێکخراوەک بناڤێ ( کونگرا نەتەویا کورد ) لـ ئەوڕوپا پێک ئینایە و ھەمی چەپ و کومونیستێت پەکەکێ تێدا کومبونە و بـ بڕیار و فەرمانێت پەکەکێ کاردکەن ، ئارمانج ژ چێکرنا ئەڤێ ڕێکخراوێ تێکدانا ئێک ڕێزیا گەلێ کورد و ژباربرنا ئەڤێ ھەولێ بو ئەوا کو ھاتیەدان ژبو گرێدانا کونگرەکا نەتەوی لـ سەر ئاستێ ھەرچوار پارچێت کوردستانێ.