کوردستان و چەند لایەنن سیاسی!!
ھێزا وان یا لەشکەری و میدیایی و جەماوەری!!
بەدرخان زاویتەیی
* ئەو مفایی دوژمنا ژ ھێزا لەشکەری یا ئێکەتیێ و پەکەکێ دیتی قەد کوردستانێ مفا ژ نەدیتیە و بەردەوام برێیا ھێزا وان خیانەت لڤی مێللەتی و دوزا کوردستانیا ھاتیە کرن و بوینە ئەگەرێ شەرێ نافخو و شەھیدکرنا گەنجێن ڤی وەلاتی و داگیرکرنا ئاخا کوردستانێ !!
* ئەو مفایێ دوژمنا ژ راگەھاندن و میدیایا چەند لایەنن سیاسی ین بناڤ کوردستانی دیتی قەد کوردستانێ مفا ژ نەدیتیە بەلکو ھەمی بەرنامە و شروڤە و راپورت و لێدوانن راگەھاندن و سوشیال میدیایا وان دژی کوردستانێ و دەستھەلاتا ھەرێمێ نە و بەردەوام ژەھرا دووبەرەکیێ و تێکدانێ درێژن و ھەر تشتەک دڤی وەلاتیدا د چاڤێ خەلکیدا بێ بھا کریە و بوینە دھول قوتن دوژمنا !!
* ئەو مفایێ دوژمنا ژ جەماوەرێ ڤان حزبا دیتی کو بھەر رەنگەکی بیت ھاتیە خاپاندن و کەتینە د بازنێ بەرژەوەندیت بەرتەنگ ین ڤان لایەنن سیاسیدا قەد کوردستانێ ئەو مفا ژێ نە دیتیە بەلکو د ھەمی کاودان و نەخوشی و قەیرانادا ڤان لایەنا بو جێبەجێکرنا پیلانن دوژمنا رێکخستی و جەماوەرێ خو بکار ئیناینە بو تێکدانا کوردستانێ ژ نەشرینکرنا ئالای و بھایین نەتەوەی و سوتنا دام و دەزگایین فەرمی و بێ ھەلویستی بەرامبەر داگیرکارین دوژمنا و رەتکرنا وەلاتەکێ سەربەخو بەرامبەر موچەی !! دەست قوتان بو دوژمنا بو داگیرکرنا ئاخا کوردستانێ!!
بەلێ ھەر ئەف لایەنە بون پتری خرا کەیف ب لێدوانن خاتین چنین بلاسخارتێ نوینەرا نەتەوین ئێکگرتی لعیراقێ ھاتی چونکی ھوسا ھەست دکەن پیلانن وان یێ سەردگرن و خاندن و شروڤێت جودا جودا دانە ئاخفتنن وێ!!
لێ بلا ئەف لایەنە باش بزانن کوردستان دەرباسی قوناغەکێ بویە قەد بو پاشڤە ناڤەگەریت و ھەر ئەف لایەنە بخو دباجەکا مەزن دەن!!
