نوسراوەکا نهێنیا سکرتێرێ سەدام لسەر ئەنفال و سەروک بارزانی ئاشكرا دبیت
دەنگێ بەهدینان
پشتی کو ئەنفالا کوردان ژلایێ ڕژێما سەدام ڤە هاتی ئەنجامدان و ١٨٢ هزار مروڤێن کورد هاتنە جینوساید کرن و بزندی هاتن بن ئاخ کرن ، ل ساڵا ١٩٨٧ سەدام حوسێن سەروکێ ل سێدارە دایێ عیراقێ هەول ددەت کو دگەل سەروک بارزانی کوم ببیت و ڕێكەفتنەکێ بکەت ، لێ سەروک بارزانی ئەڤێ ئێکێ ڕەت دکەت و داخازا دیاری کرنا چارەنڤیسا ٨ هزار ئەنفال کریێن بارزانی دکەت.
د نوسراوەکا سکرتێرێ سەدام حوسێن کو ژبو عەلی حەسەن مەجید هاتیە شاندن ، هاتیە تاوانبار ، کو ڕامان ژێ ڕێبەر و سەروک مەسعود بارزانیە ” ئەو هەر تەئکیدێ لسەر بێ سەروشین بونا ئەڤان بارزانیا دکەت ، کو ل قوشتەپێ بون ل سنورێ پارێزگەها هەولێرێ ” ، هەروەسا هاتیە ” پشتی کو هێلا زانیاری داینەمە کو زانینا خەبەرێ ئەڤان خێزانیط بارزانی مەرجێ سەرەکیێ ( سەروک و ڕێبەر مەسعود بارزانی ) یە ، ژبو دانیشتن و گفتوگوکرن دگەل حکومەتا عیراقێ ” .
ئەڤە پێگریا سەروک بارزانی و جدیەتا وی دەر دئێخیت ژبو ڕزگار کرنا ملەتێ بندەست ، هەروەسا دڵسوزیا وی ژبو شەهید و ئەنفالان دەردکەت و ترسا ڕژێما گوڕ بگوڕا بەعس ل سەروک وڕێبەر بارزانی دەردکەت ، دبەشەکێ دنێ ئەڤێ نوسراوێدا داخاز ژ هەمی دەزگەهێن ئەمنی هاتیە کرن کو بەرسڤەکا سنوردار و ئیکگرتی ژبو داخازا سەروک بارزانی ئامادە بکەن ، نمونەکا تێدا هاتی کو دبێژیت ” ئەم تو تشتەکی لسەر ئەڤان خێزانان نزانین ، بەلکو سەرکردایەتیا دەولەتێ دزانیت ، هەروەسا پڕسامە و وانا ژ پرسا ئەڤان خێزانا مزنترە ” !! ، ئەڤە بەلگەهەکە کو دڕندەیی و نەمروڤیا سەدام ودارودەستێ وی هەمبەری کوردان دیار دکەت .
ئەڤڕو ٣٨ ساڵ دەرباز بون لسەر ئەنفالا بارزانیان کو ٨٠٠٠ مروڤ هاتن بن ئاخ کرن و تەنێ تاوانا وان ئەڤەبو کو کورد بون و بن دەستی قبول نەدکر ، هەمی ساڵان لڕوژەک وەک ئەڤڕو مروڤاتی تێ شەرمەزار کرن و جیهان و دیموکراسیەت دکڤنە بن بارێ پرسیارێدا ، حاکمێت عیراقێ تانهاژی بەردەوامن لسەر ئەنفال کرنا ملەتێ کورد ، بەرێ ب چەک و ب زیندی بن ئاخ کرن و نها ب بڕینا بودجە و قوتێ خەلکی.
