بـ کورتی: نەتەوە پەرستی ئەیبە؟!
نەتەوە پەرستی ئەیبە؟!
موحەمەدێ میزوپوتامی
نەتەوەپەرستی ئەیبە؟ رێیێ ل ھزرکرنەکا “قلۆبالیستانە” ئا تە دگرت؟ نەخوەشی یە؟ ھە رەوشەنھزرێ مە یێ ھێژا؟ ئەز نەتەوەپەرستم! نە ب چەڤەنگ و ناڤ لێ ب ناڤەرۆک. ئەز بخوە ژ دەرڤەیی ڤی وەلاتی نکارم ژ خوە بپرسم کا ئەز بۆ چی دژیم؟ بۆ چ دژیم؟ ئەز کی مە؟ خوە ل چ دگرم؟ بۆچی ل ڤێ دەرێ مە؟ ژ دەرڤەیی ڤی وەلاتی نکارم خوە ناس بکم. نکارم ل بەرسڤا پرسیارێن خوە بگەرم. سنۆرێ ھزر و پرسیارێن من ھتا سنۆرێن وەلاتێ منن. ئەو وەلاتێ منێ کۆ ئەز وی وەکە بۆنەوەرەکێ زندی دبینم کۆ رۆژ بۆ رۆژ دڤێ مەزن ببت. ژ دەرڤەیی ڤی سنۆری دکارم بتنێ بۆ رۆژێ بژیم ئەوقاس! نزانم ژێدەرێ ڤان ھزرێن من چ بوونە، لێ ژ وەلاتی دەربکەڤت من چ رامان ژ بۆ ژیانێ نینن. ئێکسەر دبمە شۆپنھاوەرباوەرەک و پۆچباوەرەک، و رامانا ژیانێ یا کۆ کامۆ ژ من دخوازت بتنێ وەلاتە، نیشتمانە، کوردستانە. تو ژی دکاری د ناڤ جەنجال و دارستانا بێ قانوون ئا جیھانێ دا ل ئاشتی یا سەرمەدی بگەری ل مۆمان بگەری.
