ئۆ ئەز چ بکەم ؟

ئۆ ئەز چ ب کەم؟
د گەل پێلێن روناهیێ
ل بەر دەرێ مە مەلویل د روینیت
کاروانەکێ زەرێ خەما
بازارێ خۆ ل سەر دێمی د کەت
خوهەکا سار
ژ بەرماکێن سەمفونیا شەرمێ
بەر و بەرسینگا دگریتن
وی کراسێ تەنک… تەنک
ب لەشێ نازکڤە د نیسینیت
د بیتە ئاشقەک بەربەری
پێڤە د مینیت
خەمە… خەمە و بێ گونەهیا بچیکاتیێ
هێلینەکا نیگار چێدکەت
ژ داڤێن کەزیکێن شەکری
هەمی کەربێن ڤی سەردەمی
مێهڤانێن ئاڤریێن وێ نە
ئاریانەکە… ئاریانەکە
وەک کەڤوکا هوگرێ خۆ وندا کری
پسیار ژێ دکەم
دەلالا من
بهاڤێ کەسکە خەونا من
کێ بەفرا دێمێ تە بژاند؟
کیژ بێ ئولە تو سل کری
لێڤا وێ پێڤە د لەرزیتن
چاڤێن وێ سۆر دبن ، دبن گوڕی
حەتاکلو داڤێن پرچا وێ
دبن لەرزوک، کەلا گری
هێدی د بێژیت
ئەز دێ مرم ژ فهێتی یێ
ئەڤرو سپێدێ
ل پێش چاڤێن خڕ مروڤان
هوزانەکا تە یا بێشەرم
چاڤێ منێ ماچیکری

موحسن قوچان
٢٦/٨/١٩٨٩