جەلال عەربەتی: ئەو کەسێن پشتەڤانیا لاهور جەنگی دکەن مستەفیدێت دزیێ نە
دەنگێ بەهدینان
جەلال عەربەتی پێشمەرگێ دێرینێ ئێکەتیێ د هەیڤپەیڤینەکێدا دگەل (( دەنگێ بەهدینان )) ڕاگەهاند ” هەمی ئەو کەسێن کو پشتەڤانیا لاهور جەنگی دکەن ئەون یێن کو مستەفید ل پارێ دزیێ نەفتێ و دهاتێ سلێمانێێ و کارێ قەچاغیێ ” ، هەروەسا لسەر هەلوێستێ ئەندامێت سەرکردایەتیێ کو بێدەنگی هەلبژارتیە لسەر ڤێ مژارێ گوت ” هەمی ئەوێن کو بێدەنگن ، ئەون یێن کو ناخازن ببنە بەشەک ژ تاوانێن لاهور و گروپا وی یا مافیایی ، ئەو کەسێن دەست دگەل هەی ، هەمی دێ هێن دادگەکرن ، لەوما یادیارە ئەوێ پشتەڤانیا وی بکەت ، مستەفیدە ژ تاوانێن لاهور “.
هەروەسا تەکەزێ لڤێ چەندێ دکەت کو لاهور تلیاکچی پێگەهێ خو یێ حزبی و یێ بەرێ یێ حکوومی ژبو بەرژەوەندیا خو بکار ئینایە ، گوت ” لاهور هەردەم کورسی کریە دخزمەتا بەرژەوەندیێن خو یێن تایبەت ، چ وەک هەفسەروکێ حزبێ ، چ وەک بەرپرسێ ئاژانسا زانیاری دبەرێدا ، هەمی بەلگە لبەر دەستێ بافڵ تاڵەبانینە ، ئەو هەمی بەلگەهان دێ دەتە یاسای و تاوانباران دێ ڕیبڕی یاسای کەت ، لەوما ئەڤ ترسە ل جەم گرووپا وی یا مافیایی چێبویە “.
گوتژی ” ئەگەر بافڵ تاڵەبانی ئەوپێنگاڤێن هەنێ ئەنجام بدەت ، بێ دودلی هەمی ئێکەتیەکێ ب شەرەف دێ پشتەڤانیێ لێ کەت و دلنیام کو ئالیێن دنژی دێ پشتەڤانیێ لێ کەن ، لێ ئەگەر بهێلن ئەڤ هەمی تاوانە سەردا بچن ، ئیدی هەر کەسەک دێ مینا لاهور تاوانان ئەنجام دەت ، دەمێ دگەتە دەسەڵاتێدا”.
