پەیامەک ژ ھێژا مەسرو بارزانی بـ بونەیا جەژنا چلێ ھاڤینێ
دەنگێ بەھدینان
ھێژا مەسرور بارزانی د پەیامەکا پیروزباھیا جەژنا چلەیا ھاڤینێدا بو خوشک و برایێن مە یێن کوردێن ئێزدی ڕادگەھینیت کو دێ بەردەوام بن لسەر کارکرن ژبو زڤڕاندنا ئاوارێن شەنگالێ بو زێدێ وان و دێ پتر خزمەتا وان ھێتە کرن ژلایێ حکومەتا ھەرێما کوردستانێڤە.
دەقێ پەیاما ھێژا مەسرور بارزانی ، سەروکێ حکومەتا ھەرێما کوردستانێ:
ب هەلکەفتا جەژنا چلێ هاڤینێ، پیرۆزباهییەکا گەرم ل خوشک و برایێن ئێزیدی ل کوردستانێ و جیهانێ دکەم. هیڤیدارم جەژنەکا پڕ شادی و بەختەوەری بیت.
ب ڤێ هەلکەفتێ، خوشک و برایێن ئێزیدی پشتراست دکەینەڤە، کو حکومەتا هەرێما کوردستانێ، هەموو شیانان دێ بکارئینیت، ژبۆ خزمەتکرنا پتر یا ئێزیدییان و کارکرن ژبۆ ڤەگەڕاندنەڤا ئاوارەیێن شنگالێ بۆ سەر جهـ و وارێن وان و ئاڤەدانکرنەڤا دەڤەرێن ئیزیدییان ب هەڤکارییا حکومەتا عێراقێ و جڤاکا نیڤدەولەتی.
هیڤیدارم هه‌رسال ئه‌ڤ جه‌ژنه وهه‌موو جه‌ژنێن دى، بخێر وخوشى وته‌بایى و ب گیانێ پێكڤه ژیانێ دەرباز بکەین.
مەسرور بارزانی
سەرۆکێ حکومەتا هەرێما کوردستان
