ژێدەرەک: ئەحەمەد کایار بفەرمانا لاهور هاتیە دەستەسەرکرن

دەنگێ بەهدینان

ژێدەرەکێ تایبەت ل ئاسایشا سلێمانیێ ب (( دەنگێ بەهدینان )) ڕاگەهاند ” ل سەردەمێ لاهور جەنگی گەلەک تاوان ل هەمبەر خەلکێ سلێمانیێ و کەسێن کو مێڤان لڤی باژێڕی هاتینە ئەنجامدان ، ئێک ژ تاوانێت هەری دیار ڕەڤاندن و بەرزەکرنا پەنابەر و نێنەرێن سیاسیێت پارتێن کوردی بونە “.

گوتژی ” ئەحمەد کایار ئەندامێ نێنەراتیا هەدەپێ ل سلێمانیێ زێدەتر ژ ساڵەکێیە هاتیە بەرزە کرن و تانها چارەنڤیسا وی یا نەدیارە ، هەرچەندە هەدەپێ دیفچون لسەرڤی بابەتی کربو و سەردانا گرتی خانەیێت سلێمانێێ کربو ، لێ ئەحمەد کایار نە لڤان گرتیخانەیاندایە ، بەلکو لناڤ زیندانێت نهێنیدایە ئەوێن کو بتەنێ لاهور و گروپا وی تەحەکومێ پێ دکەن و ئەو کەس تێدانە ئەوێن کو بێ فەرمانا دادگەهێ هاتین دەستەسەرکرن”.

هەروەسا گوتژی ” لاهور جەنگی و گروپا خو ل ناڤ سلێمانیێ زیندانێت نهێنی دانابون و ئەڤ جورە کەسە لڤێ زیندانێ ددانان ، دنهادا کار لسەر دیاری کرنا چارەنڤیسا ئەڤان کەسێن بەرزە کری تێ کرن ، لێ پێ دچیت ئەڤ زیندانە لبن ئەردێ ماڵا لاهور بن و ژێر زەمین بو چێکربن “.