پەرلەمانتارەک:پەکەکە دژی قەوارا ھەرێما کوردستانێ یە
دەنگێ بەھدینان
دکتور ڕێبوار بابکەیی ئەندامێ پەرلەمانا کوردستانێ و سەروکێ لێژنا دەرڤە ڕاگەھاند ” پەکەکە دگەل دوژمنی تێشتا سپێدا بھەڤڕا دخون ، ئەو سەدەمێ ھەمی نەھامەتیانە “.
ھەروەسا ئاشکەرا ژی دکەت کو دڤێ ڕاپورتا کو ژلایێ ھەشت پەرلەمانتارێت عیراقی ھاتی بەرھەڤ کرن ، تێدا ھاتیە کو پەکەکە سەدەمێ لەشکرکێشیا ترکایە لـ ھەرێما کوردستانێ ، ھەروەسا ئێرشێن ترکا بـ مەترسیەک مەزن دایە ناساندن ژبو سەر ھەرێما کوردستانێ و عیراقێ .
لسەر ڤێ مژارا ھەنێ ڕاگەھاند” حکومەتا عیراقێ دکاریت ئەڤێ پرسێ بـ نێڤ دەولەتی بکەت و داخازێ ژ نەتەوێن ھەڤگرتی بکەت بو پشتەڤانیێ و سکالای لـ جڤاتا ئاسایشا نێڤ دەولەتی تومار بکەت و بـ بڕیارەکا ئەڤێ جڤاتێ ، دەست درێژیێن ترکا دیماھیکێ بـ ئێرشێن ترکا بـ ئینیت “.
ھەروەسا ڕاگەھاند ژی ” پەکەکە دژی قەوارا ھەرێما کوردستانێ یە، ھەرکەسەکێ ئەلف و بێ یا ھێزێن کوردی بزانیت ، دێ زانیت پەکەکە ھێزەکە ژبو دژایەتی کرن و لێدان لـ قەوارا ھەرێما کوردستانێ”.
