چاڤدێرەک: کەتنکەر ھەمی لـ دور لاھور تلیاکچی کومبونە ئەڤەژی نیشانێ فەشەلا ویە
دەنگێ بەھدینان
لـ سەر ئەڤان کەسێن کو دنھادا لـ میدیایێت لاھور تلیاکچی ئێرشی سەر ئالیێت سیاسی و ھەرێما کوردستانێ دکەن ( بەھێز ڕانیەیی ) چاڤدێرێ سیاسی بـ (( دەنگێ بەھدینان )) ڕاگەھاند ” فەشەلا لاھور تلیاکچی د ئەڤان کەساندا دیارە ئەوێن کونھا بڕێیا میدیایێن وی ئێرش دکەنە سەر ھەمی ئالیان بێ جوداھی ، ئەو کەسێن کو بڤی کاری ڕابوی کینە ؟!، ئێک مەسعود عەبدلخالقە ، ئەو مروڤە یێ ھەتا سەدام ھەبوی ڕەفیق حزبی بو ، دەمێ ئیران و میلیشیا ھاتین ، چو ناڤ بەرەیا مقاومەت ، سروشتێ ڤی مروڤی یێ وەسایە ھەر ئالیەک و وەڵاتەک دژی کورد و کوردستانێ بیت ، ئەو دێ جاشاتیێ بوکەت”.
ھەروەسا گوتژی ” لاھور تلیاکچی ھندە بێ مستەوا بویە ، شەنیار ئەنوەر و سەرکەفت شەمسەدین بەڕەڤانیێ لێ دکەن !! ، ئەم ھەمی دزانین کو سەر کەفت لەتیف شەمسەدین کیە و چ دکەت و مژیلێ چیە لـ بەغدا ، ھندی ژ دەستێت وی و ھەڤالێت وی ھاتی دژاتیا قوتێ گەلێ کورد کر لـ بەغدا و دنھاژیکدا لسەر ھەمان کار بەردەوامن “.
گوتژی ” دچێت ئەم بنێرین وتێ بفکرین ، ئەرێ ئەو کینە لـ دەردورێ لاھور تلیاکچی دزڤڕن ، ھەمی ئەون یێت کو بـ ئاشکەرا دژاتیا قەوارا ھەرێما کوردستانێ دکەن ، ئەحمەد میرە و سوران عمەر و غالب محەمەد و چەند کەسەکێن دنە کو دھەمی ژیانا خو یا سیاسیدا کار کریە دژی وەڵاتی”.
ئاشکەراژی کر کو ھەمی ئەو کەسێن بـ چەکان دھێنە دیتن لـ گرێ سەرچنار ھەمی ئەون یێن کو دەست د کارێت نەیاساییدا ھەی و گوت ” ئەو کەسێن دوێناندا دھێنە دیتن لـ گرێ سەرچنار ، پڕانیا وان قاچاغچی و چەک فروشێت نەیاسایی و ڕێگرن ، یانژی ئەون یێت کو کەتنێت نەیاسایی کری و لاھور تلیاکچی دالدەداین و ڤەشارتین “.
ددیماھیکێدا گوت ” ئەڤە ھەمی نیشانێت فەشەلا نیف سەروکێ بەرێنە ، ئەوی دژیانا خو یا سیاسیدا نەشیایە دگەل ڕوسنبیر و ئاقلمەند و کەسێن باشدا دانیشیت ، بەلکو ھەمی کەتنکەر بونە ، ئەو سیاسیێ کو پشتەڤانیێژی لێ دکەت ، یان بـ پارەیە یان ڤیدیویێ سێکسی لسەر ھاتیە تومار کرن ، یان ژی ئەون یێت کو ئەرد لـ سلێمانیێ وەرگرتین بـ نەیاسایی “.
