پسپورەکێ ئابوری: پەکەکە کاردکەت ژبو ژناڤ برنا ئابوریا دەڤەرا بەھدینان

دەنگێ بەھدینان

لسەر زیانێت پەکەکێ بو دەڤەرا بەھدینان ، ھەرمان نێروەیی پسپورێ ئابوری بـ (( دەنگێ بەھدینان )) ڕاگەھاند ” پەکەکە بـ ڕەنگەکێ ستراتیژیک کاردکەت ژبو ژناڤ برنا ئابوریا ھەرێما کوردستانێ بـ گشتی و دەڤەرا بەھدینان بـ تایبەتی ، بـ سەدەمێ شەڕێ وێ دگەل ئارتێشا ترکا چەندین زرارێت مەزنێت ئابوری بـ دەڤەرێ کەفتینە ، شەوتاندنا دارستانان و ھێلانا ڕەزان ژلایێ جوتکارانڤە ئەمە ھەمی دربێت مەزن بون بـ ئابوریا دەڤەرێ کەتین”.

ھەروەسا گوتژی ” ئەو زرارا ژ ھەمیێ مەستر ئەوە یا بـ کەرتێ گەشتیاری کەتی ، کانی ماسێ و دێرەلوک ، دو ژ دەولەمەندترین جھێن گەشتیارینە لـ دەڤەرێ ، لێ مخابن بـ سەدەما جەنگێ بێ ئارمانجێ پەکەکێ خەلکێ دەڤەرێ نەشیاینە سود لڤی کەرتی وەرگرن “.

نێروەیی گوتژی ” دڤێت خەلک بـ ئێک دەنگ داخازێ ژ پەکەکێ بکەن کو نافچەیێن وان ڤالا بکەن و شەڕی دور بکەن لـ ئەڤان جھا ، ھەروەسا دڤێت پەرلەمانا کوردستانێ بێدەنگیێ بشکێنیت و چیێ دی ڕێکێ نەدەت کو پەکەکە بڤی ئاوایی زولمێ خەلکێ مە بکەت و ئابوریا ھەرێما کوردستانێ لاواز بکەت”.