حەشدا شەعبی داخازا پشکێ ژ پەکەکێ دکەت
دەنگێ بەھدینان
لـ گور زانیاریێن (( دەنگێ بەھدینان )) کو ژلایێ ژێدەرەکێ تایبەت بدەست کەتینە ، میلیشیایێت حەشدا شەعبی داخازا پشکێ لـ پەکەکێ دکەت ، لـ ئەڤان باجێن کو بـ زوری ژ خەلکێ دەڤەرێ وەردگرن .
ئەڤی ژێدەری ئەڤ ژی دا ئاشکەراکرن ، کو لـ شەنگالێ ھەرکەسەکێ ھەرکارەک بکەت، دڤێت ٪٥٠ ژ داھاتێ خو بدەت پەکەکێ.
ھەروەسا گوتژی ” کو پەکەکە بـچ ڕەنگەکی ڤێ دەڤەرێ بەرنادەت ، ژبەرکو بویە ژێدەرەکێ باشێ داھاتی بو ڤێ ڕێکخراوێ، نەبتەنێ ژ ئالیێ پارەیدا ، بەلکو ڕەڤاندنا زاروکان و ئاڤاکرنا زیندانێت نھێنی و دزینا دەرمانێت نەخوشخانا شەنگالێ و برنا وان بو قەندیلێ “.
گوتژی ” ژبەرکو داھاتەک ھەری زێدە بدەستێت پەکەکێ دکەڤیت لڤی بواریدا ، میلیشیایێت حەشدا شەعبی داخازا پشکێ ژ پەکەکێ کریە و دنھادا گەھشتینە لێک تێگەھشتنەک کو بـ دابەشکرنا نافچەیان یانژی پشک پشک دگەل میلیشیایان ڕێک بکەڤن “.
