سیاسەتڤانەک بو قەرەسوی: کێرا ھەوە ژ ئێسکا یا بوری
دەنگێ بەھدینان
دبەرسڤا چەند لێدوانەکێت چەواشەکارانەیێت ( مستەفا قەرەسوی ) فەرماندێ پەکەکێ ، شاباز سیوەیلی سیاستەڤانێ دەڤەرا سلێمانیێ بـ (( دەنگێ بەھدینان )) ڕاگەھاند ” ئەس عەجیب مام دەمێ من دیتی قەرەسوی بەحسێ کێرێ و ئێسکا دکەت ، پەکەکە سەرێ چەند ساڵایە کریارێت چەپەڵ ودوژمن کارانە دژی ھەرێما کوردستانێ و گەلێ باشور دکەت ، پێشمەرگەھان شەھید دکەت و زاروکان دڕەڤینیت و ئەفسەرێت دەزگەھێت ئەمنی تیرور دکەت ، شنیکا ھاتیە بەحسێ کێرێ و ئێسکان دکەت “.
گوتژی ” ئەگەر ئەم تاوانێت پەکەکێ ئەژمێرین ، کێر و خەنجەرێت وان نەک گەھشتینە ئێسکی ، بەلکو کێرا پەکەکێ ژ ئێسکا یابوری ، لەوما بـ زەلالی دبێژمە قەرەسوی و ھەڤ بیرێت وی کێرا ھەوە یا ژ ئێسکا بوری”.
ھەروەسا گوت ” پەکەکێ شکەستەکا مەزنا ئینای د شەڕێ خودا ھەمبەری ترکا ، لەوما کاردکەت ژبو ھەلکرنا شەڕی دگەل پێشمەرگەھێ کوردستانێ ، ئەڤەژی بـ ئارمانجا ڤەشارتنا شکەستا خو و تێکدانا ئاسایشا ھەرێما کوردستانێ “.
لسەر کریارێت پەکەکێ ھەمبەری پێشمەرگەھێ کوردستانێ گوت ” ئەس ژ تەڤایا پەکەکێ و بـ تایبەت فەرماندێ ناڤا شکەفتان قەرەسوی دپرسم ، ھەوە بوچی پێنج پێشمەرگەھ لـ مەتینا شەھید کرن؟!، بوچی ھەوە غازی ئالیخان تیرور کر؟! ، ئەرێ بـ ڕاست ھینگ بەحسێ براتیێ دکەن ؟!، ئەڤە سەرێ چەند ساڵایە ھەرێما کوردستانێ داخازێ ژ ھەوە دکەت شەڕێ خو ژ ھەرێمێ دور کەن و ڕێزێ لـ سەروەریا ھەرێمێ بگرن ، ئەرێ ھەوە بتەنێ بو ئێک جار بەرسڤ دایە ؟!، نەخێر ، ژبەرکو ئارامانجا ھەوە تێکدان و کاڤل کرنا باشورێ کوردستانێ و ژناڤ برنا دوزا کوردایە”.
