نھێنیا دەرنەکەتنا لاھور تلیاکچی ژ ھەرێمێ ئاشکەرا بو

دەنگێ بەھدینان

لـ گور زانیاریێن (( دەنگێ بەھدینان )) لاھور تلیاکچی ، نیڤ سەروکێ بەرێ یێ ئێکەتیێ خودانێ ٣٢ ملیار دولارێت ئەمریکیە ، کو پڕانیا ڤی پارەی لـ فروشتنا کەرکوکێ و کارێ قەچاغی و تلیاک فروشتنێ یێ بـ دەست کەتی.

لـ گور یاسایێت بەریتانیا کو تلیاکچی ئیقامە لوێرێ ھەیە ، ھەر پارەکێ ھاوڵاتیێن وێ بدەست ئینیت ، دڤێت ژێدەرێ بدەستڤە ئینانێ دیار بیت ، ئەگەر ژێدەر دیار نەبیت ، دێ بیتە پارێ ڕەش و بـ یاسایێن گران ئەو کەس دھێت دادگەھ کرن یێ کو بدەستڤە ئینای ، ئەڤەژی تایبەت ژبو ڤان کەسایە یێن کو دچن لـ دەرڤەی ئەوروپا بازرگانیا مادێن ھوشبەر دکەن ، وەک ڕێگری ژبو ڤی کاری.

ئەندامەکێ سەرکرداتیا ئێکەتیێ ئاشکەرا کریە کو لاھور تلیاکچی ژبو پاراستنا ئەڤی پارەی ناخازیت ژ ھەرێما کوردستانێ دەرکەڤیت ، ژبەر کو نەشێت ڤێ ژمارا زور کو ٣٢ ملیار دولارن ببەتە بەریتانیا، لەوما ئەو نھا شەڕێ مان و نەمانێ دکەت لسەر پشتا چەند کەسەکێت نەزان کو وەک ئەو ئەندامێ جڤاتا سەرکردایەتیێ دبێت ” چەند کەسەکێت دەبەنگ بوینە پارێزڤانێت ئەڤی پارێ ڕەش “.