ژبو چارەسەر کرنا ئاڤێ ترکا و عیراق دێ کومبن
رویبارێن عیراقێ روژ بو روژێ هشكتر دبن لدویڤ پێشبینیێن بسپورێن دبیاڤێ جیولوجى دا كاردكه‌ن، هه‌تا سالا 2040ێ رویبارێن عیراقێ نامینن و دێ هشك بن.
نوكه شاندێ عیراقێ ب سه‌روكاتییا وه‌زیرێ ژێده‌رێن ئاڤێ مه‌هدى ره‌شید حه‌مدانى ل توركیایه بۆ گه‌نگه‌شه‌كرنێ لسه‌ر پشكا عیراقێ ژ ئاڤێ و ڕێككه‌فتن و به‌لاڤكرنه‌كا نوى دناڤبه‌را وان دا.
لدویڤ راپورته‌كا نێرینگه‌ها سوری بۆ مافێن مروڤى د هه‌یڤا بوورى دا، ئاستێ ئاڤێ یێ رویبارێ فورات كو رویباره‌كێ ده‌وله‌تییه د دیروكا خۆ دا ب بلنداهیا 5 متران كێم بوویه ئه‌وژى ژ ئه‌گه‌رێ وان رێگرییێن كو توركیا لسه‌ر رویبارى دروستكرین.
عه‌بدولره‌حمان مه‌شهه‌دانى بسپورێ بیاڤێ جیولوجى ئاماژێ ب وێ چه‌ندێ دكه‌ت كۆمه‌كا به‌نداڤێن توركیا دناڤدا ئه‌لیسو، بوویه ئه‌گه‌رێ ڕێگرییێ ژ هاتنا پشكا عیراقێ ژ ئاڤێ.
