عەسایب ئەھلول حەق گەفان لـ بریتانیا دکەت
ئه‌میندارێ گشتییێ میلیشیاتێن عه‌سائیب ئه‌هلولحه‌ق، لسه‌ر دائێخستنا ژماره‌كا مالپه‌رێن سه‌ر ب حه‌شدا شه‌عبى ڤه هاته ده‌نگ و ڕاگه‌هاند كو بریتانیا روله‌كێ خراب ل عیراقێ دگێریت.
د كارڤه‌دانێن دائێخستنا ژماره‌كا مالپه‌رێن سه‌ر ب هێز و میلیشیاتێن شیعه ل عیراقێ، قه‌یس خه‌زعه‌لى ئه‌میندارێ گشتییێ میلیشیاتێن عه‌سائیب ئه‌هلولحه‌ق د هژمارا خۆ یا تایبه‌ت یا تورا جڤاكى یا تویته‌رى دا نڤیسییه: گرتنا كه‌نالان ئاماژه‌كا مه‌ترسیداره و بریتانیا روله‌كێ خراب ل عیراقێ دگێریت.
هه‌ڤده‌م حزبا ده‌عوه ئه‌ڤ پێنگاڤه ب ده‌ستدرێژى و ده‌ستێوه‌ردان د كاروبارێن نافخۆ یێن وه‌لاتان و سه‌روه‌رییا عیراقێ ل قه‌له‌م دا.
به‌رى نوكه وه‌زاره‌تا داد ل ئه‌مریكا ئاشكرا كربوو ژ ئه‌گه‌رێ پێزانینێن شاش ئه‌مریكا چه‌ندین ویب سایتێن ئیرانێ و میلیشیاتێن سه‌ر ب وى وه‌لاتى ڤه ل عیراق، یه‌مه‌ن و به‌حرینێ دائێخستنبوون.
