بەرسڤەک ژ چیا محەمەد ئاغا ھەرکی بو جەوەرەغای
دەنگێ بەھدینان
د پەیامەکێدا بـ بونەیا ١٦ێ تەباخێ ، نەڤیەکی ئەسعەد ئاغایێ ھەرکی بەرسڤا جەوەرەغای ددەت ، کو ئەڤە ھەیامەکە بناڤێ عەشیرەتا ھەرکی لێدوان و پەیامان بەڵاڤ دکەت.
د پەیاما خودا چیا محەمەد ئەسعەد ئاغا ھەرکی دبێژیت ” ئەم وەک عەشیرەتا ھەرکی پشکەکین ژڤێ دیروکێ و د کەڤندا پەیڕەوێت ڕێبازا پارتی و بارزانی بوینە ، مە بـ سەدان شەھید و قوربانی یێت داین لـ پێناڤ ئاخا پیروزا کوردستانێ، شەھیدێت شەڕێ دژی داعشێ نمونەکا زیندیا قوربانی دانا عەشیرەتا ھەرکینە لـ ناڤ ئەڤێ ڕێبازا پیروزدا . دیماھیک قوربانی دانا مە لـ داستانا پردێ بو دەمێ کاڵفاما و ئەوێن نھا ھزر دکەن کو دێ شێن خەلکی خاپینن و بناڤێ عەشیرەتێڤە دەنگا ژبو ئالیەکی کومکەن ، ئەو سورێت بەر لەشکرێ بێگانەیان بون ، ھوسا ھزر دکر کو دێ دەستێن وان گەھنە ھەولێرێ”.
چیای گوتژی ” ئەڤ سەدەمە وەدکەن کو ئەم وەک عەشیرەتا ھەرکی بـ گڕوتینڤە پشکداریێ لـ ھەربژارتنێن پێش وەختێن عیراقێ بکەین و دەنگی بـ کاندیدێت پارتیا دیموکراتا کوردستانێ بدەین ، ئەگەر ئەم وەک ھەرکی دپێشدا بـ چەک پشکەک بوبین ژ شوڕشا ئەیلول و گوڵانێ ، داستانا ھندرێن و خواکورک و کوڕێ و پردێ ، نھا دێ بـ دەنگدانێ پشکداربین لـ درێژەدان بـ شوڕەشا “.
لـ پشکەکا دن یا پەیاما خودا چیا ئاغا ھەرکی دبێژیت ” ئەڤ ھەلبژارتنە چارەنڤیس سازە و پێتڤیە ئەوێن کو پیلان دژی پارتی گێڕاین و ئەوێن کو ئاخ ڕادەستێ دژمنی کری ژبو لاواز کرنا پارتی، جارەکادن ژبوی وان دەرکەڤیت کو پارتی حزبا ئێکەما عیراقێیە و چ جاران خوناچەمینیت و دێ بەردەوام بیت لسەر ستاندنا مافێن کوردا ژ عیراقێ”.
