پارێزگارێ دهۆکێ و رێڤەبەرا کومسیۆنا بلندا یا پەنابەرا سەر ب نەتەوێن ئێکگرتی کۆمبوون

ئەڤرۆ رۆژا سێشەمبی رێکەفتی ٢٠٢١/٨/١٧  “د.عەلی تەتەر” پارێزگارێ دهۆکێ پێشوازیی ل خانم “گوێن کوستر” رێڤەبەرا ئۆفیسا دهۆک یا UNHCR کر.
دهەڤیدیتنەکێدا ل دۆر رەوشا ئاوارەوپەنابەران و ئەو خزمەتێن دهێنە پێشکێشکرن و رەوشا ساخلەمیێ و بەلاڤبوونا ڤایروسێ کورونایێ و پروسا دانانا ڤاکسین و ئەنجامدانا تێستان بۆ ئاوارەو پەنابەران هاتە بەحسکرن.
دپەیڤەکێدا پارێزگارێ دهۆکێ سۆپاسیا رێکخراوا ناڤبری و ئەو خزمەت  و کارێن بۆ ئاوارە و پەنابەران پێشکێشکرین کر، راگەهاند هندی رێکەفتناما شنگال دناڤبەرا هەولێر و بەغدا نەهێتە جێبەجێکرن ئاوارێن شنگال و دەوروبەرا خۆیشک و برایێن مەنە و یا مەپێ چێ بیت دێ بۆ ئەنجامدەین و و هیڤیدارین رەفتارەکا مرۆڤایەتی و یەکسان و پرانیا مافێن هاولاتیبوون و رێزگرتن و ب کەرامەت سەرەدەریی دگەل دا بهێتەکرن و داخوازێ ژ رێکخراوێن نیڤدەولەتی دکەین بەردەوامیێ بدەنە هاریکاریێن خۆ.
رێڤەبەرا ئۆفیسا دهوک یا کۆمسیونا بلندا پەنابەران سەر ب نەتەوێن ئێکگرتیڤە سۆپاسیا پارێزگارێ دهۆکێ و حکۆمەتا هەرێما کوردستانێ کر بۆ هەماهەنگی و تەنسیق و هەڤکاریا وان دبابەتێ پەنابەر و ئاواران دا.