ئەرێ تودزانی ئەو دەرمانێن تو دخوی چ کارتێکرن لسەر ساخلەمیاتە نە؟
– گه‌له‌ك ده‌رمانان شیان هه‌نه كارتێكرنێ ل عه‌ده‌سێن چاڤی بكه‌ن، ژوانژی حه‌بێن نه‌زاروكبوونێ و ده‌رمانێن دژه هستامین و ده‌رمانێن خه‌وهاتنێ و پرسكێن گه‌نجاتیێ و هنده‌ك ده‌رمان هه‌نه ره‌نگێ عه‌ده‌سێن چاڤی د گهورن وه‌ك ده‌رمانێن (ریفامیسین و سالفاسالازین و ل ڤێرێ پێدڤی یه بزانین كۆ دانانا عه‌ده‌سێن چاڤی پێدڤی ب چاڤدێریه‌ك به‌رده‌وام هه‌یه، ژبه‌ركو سه‌رباركێن ب مه‌ترسی ژ هنده‌كان په‌یدادبن.
– گه‌له‌ك وه‌سان هزر دكه‌ن هاتنه خوارا فشارا خوینێ ب تنێ ل ده‌ڤ مرۆڤێن داعه‌مر په‌یدادبیت، ئه‌ڤه هزره‌كا شاشه، ژبه‌ركو ل هه‌موو ژیان په‌یدادبیت و فشارا خوینێ دهێته خوارێ ل ده‌مێ مرۆڤ یێ روونشتی بیت یانژی ل ده‌مێ مرۆڤ ژ وه‌ستیانێ بێ زار دبیت و ( عێلنجی و سه‌رئێشان و شێلیبوونا دیتنێ) ژێ په‌یدادبن، د پرانیا ده‌مان دا هاتنه خوارا فشارا خوینێ چ نه‌باشیێن خو نینن، به‌لێ ئه‌گه‌ر به‌رده‌وام بۆ دبیت هنده‌ك سه‌رباركان ل دووڤ خو بهێلیت.
– ئێشانا دلی ل ره‌خێ چه‌پێ به‌لاڤه‌دبیت: ئه‌ڤه‌ژی هزره‌كا شاشه و ژبلی ڤێ چه‌ندێ نه‌دووره هنده‌ك جاران مرۆڤ به‌رئاتافی ئێشه‌كا دلی ببیت و چ ئێشان دگه‌لدا نه‌بن، هه‌روه‌سان مه‌رج نینه هه‌ر ئێشانه‌كا ددلی دا ژێده‌رێ وێ دل بیت و گه‌له‌ك ئه‌ندان د ره‌گه‌ها سینگێ مرۆڤی دا هه‌نه و ئێشانێ په‌یدادكه‌ن.
– هه‌ستداری دهێته ڤه‌گوهاستن: ئه‌ڤه‌ژی هزره‌كا شاشاه و هه‌ستداری نه‌خوشیه‌كا پیستی یه و دهێته نیاسین ب سووربونا پیستی و دگه‌لدا ده‌روبه‌رێن پیستی سپی دبن و پتریا جاران دناڤ پرچێ و ل ئه‌نیشك و چوكێن مرۆڤی تلێن ده‌ستی په‌یدادبیت و هه‌تا نوكه ئه‌گه‌رێن وێ د دیار نینن.
– كێمخوینی نه‌خوشیه‌كا ب مه‌ترسی نینه: ئه‌ڤه‌ژی هزره‌كا شاشه و كێمخوینی گه‌له‌ك جاران یا كوژه‌كه‌ژی و شوونوارێن ب مه‌ترسی ل دووڤ خو دهێلیت ب تایبه‌ت ل ده‌ڤ زارۆیان، له‌ورا پێدڤی یه هه‌ر زوی بهێته ڤه‌دیتن و چاره‌سه‌ركرن ئه‌گه‌ر ئه‌نجامێن وێ دێ ب مرنێ ب دووماهی هێن.
