پارێزگه‌ها دهۆكێ :كۆمبوونه‌ك ل دور هشكه‌سالیێ وكێم ئاڤیێ
بو دووڤچون وچاره‌سه‌ركرنا ئاریشا كێم ئاڤیێ وهشكه‌سالیێ ئه‌ڤرو سپێدێ 17-8-2021
ماجد سه‌ید صالح جێگرێ پارێزگارێ دهۆكێ بو كاروبارێن ته‌كنیكى سه‌رپه‌رشتیا كۆمبوونه‌كێ دگه‌ل چه‌ند رێڤه‌به‌ر ونوونه‌رێن فه‌رمانگه‌هێن ئاڤێ ویێن په‌یوه‌ندیدار كر.
دكۆمبوونێدا به‌حسێ ئاریشا كێم ئاڤیێ وهشكه‌سالیێ وكارتێكرنا وێ لسه‌ر كه‌رتێ چاندنێ وڤه‌خارنا گشتى وچاوانیا چاره‌سه‌ركرنا ئاریشێ ب رێكا زێده‌كرنا ژێده‌رێن ئاڤێ وسه‌خبێركرنا بیرێن ئاڤێ وپرۆژێن ئاڤێ وكولانا بیرێن نوو هاته كرن.
هه‌روه‌سا به‌حسێ پێدڤیێن فه‌رمانگه‌هێن په‌یوه‌ندیدار هاته كرن بو وێ یه‌كێ هه‌موو بهێنه دابینكرن دا بشێن كارتێكرنا ئاریشا هشكه‌سالیێ وكێم ئاڤیێ ل سه‌ر هاوڵاتیان وكه‌رتێ چاندنێ كێمكه‌ن.
جێگرێ پارێزگارێ دهۆكێ ته‌كه‌زكر كو دڤێت هه‌موو شیان بهێنه مه‌زاختن وهه‌موو فه‌رمانگه‌هێن په‌یوه‌ندیدار ب هه‌ڤرا كاربكه‌ن وبه‌رهنگاریا هشكه‌سالیێ بكه‌ن .
بریاره سوبه‌هى 18-8-2021كۆمبوونه‌كا به‌رفره‌هتر لسه‌ر ئاستێ چه‌ند وه‌زاره‌تێن حكومه‌تا هه‌رێمێ ل هه‌ولێرێ بهێته سازكرن وبریارێن پێدڤى بهێنه دان بو چاره‌سه‌ركرنا ئاریشێن هشكه‌سالیێ .
